މާފުށި ޖަލު ބަލަހައްޓާ އޮފިސަރެއް ކޯވިޑް-19އަށް ޕޮޒިޓިވްވުމާއި ގުޅިގެން، ޖަލު ކުއްލި ހާލަތަށް ގެނައުމަސް ނިންމައިފިއެވެ.
ކޮމިޝަަރ އޮފް ޕްރިޒަންސް މުޙައްމަދު އަޙްމަދުފުޅު ވިދާޅުވީ، މާފުށީ ޖަލުގެ އޮފިސަރެއްގެ ފަރާތުން ކޯވިޑް-19 ގެ އަލާމާތްތައް ފެނިގެން ޓެސްޓުކުރުމުން މިއަދު ވަނީ ޕޮޒިޓިވްވެފައިކަމަށެވެ. އެހެންކަމުން ޖަލުގެ ސަލާމަތާއި ރައްކަލައްޓަކައި މިރޭ 12 ން ފެށިގެން މާފުށީ ޖަލު ކުއްލި ހާލަތައް ގެނެވޭނެކަމަސް ސީޕީ ވިދާޅުވިއެވެ. އަދި ވަޤުތީގޮތުން ޤައިދީންގެ ހުރިހާ މޫވްމަންޓްތައް މެދުކަނޑާލެވޭނެކަމަށްވެސް އޭނާ ވިދާޅުވިއެވެ.
މާފުށީ ޖަލުގެ އޮފިސަރެއްގެ ފަރާތުން ކޯވިޑް-19 ގެ އަލާމާތްތައް ފެނިގެން ޓެސްޓުކުރުމުން މިއަދު ވަނީ ފައްސިވެފައެވެ. ވީމާ، ޖަލުގެ ސަލާމަތާއި ރައްކަލައްޓަކައި މިރޭ 12 ން ފެށިގެން މާފުށީ ޖަލު ކުއްލި ހާލަތައް ގެނެވޭނެ. އަދި ވަޤުތީގޮތުން ޤައިދީންގެ ހުރިހާ މޫވްމަންޓްތައް މެދުކަނޑާލެވޭނެ.
— Ahmed Mohamed (@ahumadhumohamed) September 2, 2021
މީގެ ކުރިންވެސް ޖަލު ބަލަހައްޓާ ގިނަ ޢަދަދެއްގެ އޮފިސަރުންނާއި ޤައިދީން ކޯވިޑް-19އަށް ޕޮޒިޓިވްވެފައިވެއެވެ. ނަމަވެސް ހުރިހާ އެންމެން މިހާރު ވަނީ ރަނގަޅުވެފައެވެ. ޖަލުގައި ކޯވިޑުން ރައްކާތެރިވުމަށް ވަނީ ގިނަ ފިޔަވަޅުތަކެއްވެސް އަޅާފައެވެ.
އަދި ރާއްޖޭގެ ކޯވިޑްގެ ހާލަތު ރަނގަޅުވެ ވެކްސިން ފުރިހަމަކުރާ މީހުންނަށް ދޭ ލުއިތަކުގެ ދަށުން ޖަލުތަކުގައި ބަންދުކޮށްފއި ތިބި ޤައިދީންނާއި ބަންދު މީހުންނަށް އެމީހުންގެ އާއިލާ މެމްބަރުންނާއި ވަކީލުން ޖަލަށް ޒިޔާރަތްކޮށް ބައްދަލުކުރުމުގެ ފުރުސަތު ކަރެކްޝަނުން ދީފައިވެއެވެ.
