ގއ. ދާންދޫގައި ފުލުހުން ކުރިއަށް ގެންދަން އުޅުނު މަސްތުވާތަކެތީގެ އޮޕަރޭޝަނަކާ ގުޅުންހުރި މައުލޫމާތުތަކެއް ލީކްކޮށްލި މައްސަލައިގެ ތުހުމަތުގައި ދާންދޫ ކައުންސިލްގެ ރައީސް މުހައްމަދު އާސިފްގެ ބަޔާން ނަގައިފިއެވެ.
އާސިފްގެ ލޯޔަރު ކުރީގެ ޕްރޮސެކިއުޓަރ ޖެނެރަލް މުހުތާޒް މުހުސިން ވިދާޅުވީ، ދާންދޫ ކައުސިލްގެ ރައީސްގެ މައްސަލާގައި މިއަދު ތަހުގީގަށް އާސިފްގެ ފަރާތުން ވަނީބަޔާންދީފައިވާކަމަށެވެ. ކުރެވޭ ތުހުމަތަކީ އެއްވެސް އަސާސެއްނެތް ތުހުމަތެއްކަމަށާއި ރައްޔިތުންގެ އިތުބާރުގެއްލޭފަދަ އެއްވެސްކަމެއް ކޮށްފައިނުވާނޭކަމަށް ތަހުގީގުގައި ބުނެފައިވާނެކަމަށްވެސް މުހުތާޒް ވިދާޅުވިއެވެ.
ދާންދޫ ކައުސިލްގެ ރައީސްގެ މައްސަލާގައި މިއަދު ތަހުގީގަށް އާސިފްގެ ފަރާތުން ވަނީބަޔާންދީފައި. ކުރެވޭ ތުހުމަތަކީ އެއްވެސް އަސާސެއްނެތް ތުހުމަތެއްކަމަށާއި ރައްޔިތުންގެ އިތުބާރުގެއްލޭފަދަ އެއްވެސްކަމެއް ކޮށްފައިނުވާނޭކަމަށް ތަހުގީގުގައި ބުނެފައިވާނެ. pic.twitter.com/xOPlXdjP63
— Muhuthaz Muhusin???? (@Muhuthaz) September 1, 2021
ގއ. ދާންދޫގައި ފުލުހުން ކުރިއަށް ގެންދަން އުޅުނު މަސްތުވާތަކެތީގެ އޮޕަރޭޝަނަކާ ގުޅުންހުރި މައުލޫމާތުތަކެއް ލީކްކޮށްލި މައްސަލައިގެ ތުހުމަތުގައި ދާންދޫ ކައުންސިލްގެ ރައީސް މުހައްމަދު އާސިފްގެ ފޯން ފުލުހުންގެ ބެލުމުގެ ދަށަށް ގެންގޮސްފައިވަނީ، މިމަހުގެ 11ގައެވެ.
ފުލުހުން ބުނެފައިވަނީ، މަސްތުވާތަކެތީގެ އޮޕަރޭޝަނެއްގެ މައުލޫމާތު ލީކުކޮށްލި ކަމުގެ ތުހުމަތުގައި ދާންދޫން ހަތަރު މީހެއްގެ ފޯނު ހިފެއްހެއްޓިކަމަށެވެ. އެ މީހުންގެ ފޯނު ފުލުހުންގެ ބެލުމުގެ ދަށަށް ގެންގޮސްފައި ވަނީ ކޯޓު އަމުރެއްގެ ދަށުން ކަމަށް ވެސް ފުލުހުން ބުނެއެވެ.
މައްސަލަ ތަހުގީގު ކުރަމުންދާ ކަމަށް ބުނުން ފިޔަވާ އިތުރު މައުލޫމާތެއް ފުލުހުން ހިއްސާކޮށްފައެއް ނުވެއެވެ. ބައެއްގެ ފޯން ފުލުހުންގެ އަތުގައި އޮތް ނަމަވެސް ދާންދޫ ކައުންސިލްގެ ރައީސްގެ ފޯން އޮތް ކަމަކަށް ނުބުނެއެވެ. ފުލުހުންގެ އޮޕަރޭޝަންގައި ބަލައި ފާސްކުރަން އުޅުނީ ދާންދޫ ކައުންސިލްގެ ރައީސް މުހައްމަދު އާސިފްގެ އާއިލީ މީހެއްގެ ގެއެވެ.
އެ މައްސަލަ ފުލުހުން އަންނަނީ އިތުރަށް ތަހުގީގުކުރަމުންނެވެ.
ކޮމެންޓު ފޮނުވާ