އަލްޖީރިއާއަށް، ގަވާއިދާ ޚިލާފަށް ސިއްރިޔާތުގައި އެތެރުވުމާއި ގުޅިގެން، ޓިއުނީޝިއާގެ ކުރީގެ ރިޔާސީ ކެނޑިޑޭޓް އަދި، ނުފޫޒު ގަދަ މީޑިއާގެ ވެރިއެއް ކަމުގައިވާ ނަބީލް ކަރޫއި އަލްޖީރިއާއިން ހައްޔަރު ކޮށްފައިވާ ކަމަށް، ޓިއުނީޝިއާގެ މީޑިއާތަކުން ރިޕޯޓު ކޮށްފިއެވެ.
ޓިއުނީޝިއާގެ ހާޓް އޮފް ޓިއުނީޝިއަން ޕާޓީގެ ވެރިޔާ އަދި، ނެސްމާ ޓެލެވިޝަން ޗެނަލްގެވެސް އެންމެ އިސްވެރިޔާ ކަމުގައިވާ ކަރޫއި ހައްޔަރު ކޮށްފައިވަނީ، ގާނޫނީ ވަކީލެއް ކަމުގައިވާ، އޭނާގެ ބޭބެ ޢާޒީ ކަރޫއިއާވެސް އެކީގައެވެ.
ޓެކްސަށް މަކަރު ހެދުމާއި އަދި މަނީ ލޯންޑަރިންގެ ކުށުގައި ޓީއުނީޔާއަގައި 6 މަސްދުވަހު ބަންދުގައި ބެހެއްޓުމަށްފަހު ކަރޫއީ ބަންދުން ދޫކޮށްފައިވަނީ، ފާއިތުވި ޖޫން މަހުގެ 15 ވަނަ ދުވަހުއެވެ. އެހެންނަމަވެސް، ޓިއުނީޝިއާގެ ކޯޓުތަކުން އަދިވެސް ދަނީ އޭނާގެ މައްސަލަ ތަހުގީގް ކުރަމުންނެވެ.
ކަރޫއީ ކުރިން ބުނެފައިވަނީ އޭނާއަކީ އެއްވެސް ކުށެއްނެތް މީހެއްކަމަށާއި، އަދި އޭނާ ބަންދުކޮށްފައިވަނީ ސިޔާސީ ވާދަވެރިން އަޑީގައި ތިބެގެން ކަމުގައެވެ.
ޓީއުނީޝިއާގެ މިހާރުގެ ރައީސް ކައިސް ސައީދު އެނާގެ ބޮޑުވަޒީރު މަގާމުން ދުރުކޮށް އަދި އެގައުމުގެ ގާނޫނުހަދާ މަޖިލިސް ސަސްޕެންޑް ކުރިފަހުން ކަރޫއީ އާންމުންގެ ތެރެއިން ފެނިފައެއް ނުވެއެވެ. ޓިއުނީޝިއާގެ ރައީސް އެގައުމުގެ ގާނޫނު ހަދާ މަޖިލިސް ސަސްޕެންޑްކުރި ކުރުން އޭނާގެ ސިޔާސީ ވާދަވެރިން ސިފަކޮށްފައިވަނީ ބަޢާވާތެއްގެ ގޮތުގައެވެ.
ޓިއުނީޝިއާގެ ދައުލަތުގެ ޓީވީ އަދި ރޭޑިއޯ މޮސައިކްއެފްއެމް އިން ރިޕޯޓު ކޮށްފައިވަނީ، ކަރޫއި އަލްޖިރިއާގެ ސިޓީއެއް ކަމުގައިވާ ޓެބެއްސާއަށް އެތެރެވެފައިވަނީ، ސިއްރިޔާތުގައި ކަމަށާއި، އޭނާ ހޯމަ ދުވަހު ކޯޓަށް ހާޒިރު ކޮށްފައިވާ ކަމަށެވެ.
ކަރޫއީ ވަނ، ޖަލުގައި ހުންނަވައިގެން، ރިޔާސީ އިންތިޚާބުގެ ފުރަތަމަ ބުރުގައި ވާދަ ކުރެއްވި ހުރިހާ ކެނޑިޑޭޓުންގެ ބަލި ކުރުމަށްފަހު، އެހެންނަމަވެސް ފަހުބުރުގައި މިހާރުގެ ރައީސް ސައީދުއާއި ވާދަކޮށް ވަރަށް ބޮޑު ތަފާތަކުން ބަލިވެފައެވެ.
