މާފުށީ ޖަލަށް ނުވަދިހައަށްވުރެ ގިނަ ފޯނާއި ސިމް ވައްދަން އުޅުނު މީހަކު ފުލުހުން ހައްޔަރުކޮށްފިއެވެ.
ކޮމިޝަނަރ އޮފް ޕްރިޒަންސް އަޙްމަދު މުޙައްމަދުފުޅު ވިދާޅުވީ، ރޭގެ ވަގުތެއްގައި ލޯންޗެއްގައި އައިސް މާފުށީޖަލަށް ގިނައަދަދެއްގެ މަނާތަކެތި ވައްދަން އުޅޭ ކަމަށް ލިބުނު މައުލޫމަތަކާއި ގުޅިގެން، ދިވެހި ފުލުހުންގެ ހިދުމަތާއި މާފުށި ޖަލުގެ އޮފިސަރުން ގުޅިގެން ހިންގި އޮޕަރޭޝަންގައި ވަނީ ގިނަ އަދަދެއްގެ މަނާތަކެތި އަތުލައި ގަނެވިފައިވާކަމަށެވެ.
ރޭގެ ވަގުތެއްގައި ލޯންޗެއްގައި އައިސް މާފުށީޖަލަށް ގިނައަދަދެއްގެ މަނާތަކެތި ވައްދަން އުޅޭ ކަމަށް ލިބުނު މައުލޫމަތަކާއި ގުޅިގެން، ދިވެހި ފުލުހުންގެ ހިދުމަތާއި މާފުށި ޖަލުގެ އޮފިސަރުން ގުޅިގެން ހިންގި އޮޕަރޭޝަންގައި ވަނީ ގިނަ އަދަދެއްގެ މަނާތަކެތި އަތުލައި ގަނެވިފަ. pic.twitter.com/aDviP2xEKZ
— Ahmed Mohamed (@ahumadhumohamed) August 30, 2021
މިކަމާއި ގުޅިގެން ކޮމިޝަނަރ އޮފް ޕޮލިސް މުޙައްމަދު ޙަމީދު ވިދާޅުވީ، މި އޮޕަރޭޝަންގައި މަނާ ތަކެތި މާފުށީ ޖަލަށް ވެއްދުމަށް މަސައްކަތްކުރި މީހާގެ އަތުން 50 ސްމާޓް ފޯނާއި އާދައިގެ 42 ފޯނާއި، 109 ޗާޖަރާއި 77 ޔޫއެސްބީ ކޭބެލްގެ އިތުރުން ދިރާގުގެ 49 ސިމް ކާޑާއި އުރީދޫގެ 12 ސިމްކާޑު ފެނިފައިވާކަމަށެވެ. އަދި 65 ހެޑްސެޓާއި ކަޓަރު ތިލަ ދެ ޕެކެޓްގެ އިތުރުން 10 އިރާކް ސްޓިކާއާއި އެނޫންވެސް ބައެއް ތަކެތި ފެނިފައިވާކަމަށްވެސް ކޮމިޝަނަރ ވިދާޅުވިއެވެ.
Among the contraband items seized from the arrested individual: 50 smart phones, 42 feature phones, 109 phone chargers, 77 USB cables, 65 headsets, 49 Dhiraagu SIM cards, 12 Ooredoo SIM cards, 2 packs of cutter blades, 10 Miswak (Iraak sticks) and other items. pic.twitter.com/QPM9E5au68
— Mohamed Hameed (@M_Hameedh) August 30, 2021
ޖަލަށް މަސްތުވާތަކެއްޗާއި ފޯނުތައް ވެއްދުމަށް ވަރަށް ގިނައިން މަސައްކަތް ކުރެއެވެ. ނަމަވެސް ފުލުހުންނާއި ޖަލުގެ އޮފިސަރުން ގުޅިގެން ހިންގާ އެކި އޮޕަރޭޝަންތަކުގައި މި ފަދަ ގިނަ ތަކެތި ފުލުހުން ދަނީ އަތުލައިގަންނަމުންނެވެ. ޖަލަށް ވެއްދުން މަނާތަކެތި ވައްދާ މައްސަލައަށް ހައްލު ހޯދުމަށް ކަރެންޝަނުން ދަނީ ގިނަ މަސައްކަތްތަކެއް ކުރަމުންނެވެ.
