ކޯވިޑް-19 ޖެހިގެން ސްރީލަންކާގައި ދިވެއްސަކު ނިޔާވެއްޖެއެވެ.
ކޯވިޑް-19ގެ ހާލަތު ލަންކާގަިއ މިހާރު ވަނީ ވަރަށް ބޮޑަށް ގޯސްވެފައެވެ. އެޤައުމުވަނީ މިހާރު ފުރަބަންދުކޮށްފައެވެ. ލަންގާއި ކޯވިޑްގައި ދިވެއްސަކު ނިޔާވެފައިވާކަން ކަށަވަރުވެފައި ވީނަމަވެސް އޭނާއާއި ގުޅޭ އިތުރު މަޢުލުމާތެއް އަދި ސާފެއް ނުވެއެވެ.
21 މިލިޔަން މީހުންގެ އާބާދީއެއް އޮންނަ ސްރީ ލަންކާގައި ކޯވިޑް-19ގެ އެންމެ ނުރައްކާތެރި އަދި ވާރުތަވުމުގެ ބާރުގަދަ ވައްތަރުކަމަށްވާ ޑެލްޓާ ވޭރިއެންޓު ފެތުރެން ފެށުމުން ދުވާލެއްގެ މައްޗަށް 3،000އަށްވުރެ ގިނަ މީހުންނަށް ބަލިޖެހެއެވެ. އެއާއެކު އެ ޤައުމުގެ ހަސްފަތާލުތަކަށް ބާރުބޮޑު ބަލިޖެހޭ މީހުންނަށް ފަރުވާ ދިނުމުގައި ބޮޑެތި ދަތިތަކަކާ ކުރިމަތިލާންވަނީ ޖެހިފައެވެ. އެ ޤައުމުގައި ޖުމުލަ 372,079 މީހުންނަށް ބަލިޖެހިފައެވެ. އަދި ބަލިމަޑުކަމުގައި 6,604 މީހުންވަނީ މަރުވެފައެވެ. އެ ޤައުމުގައި ކޯވިޑް-19ގެ ވެކްސިން ފުރިހަމަކޮށްފައިވަނީ އާބާދީގެ 24 އިންސައްތަ މީހުންނެވެ.
ލަންކާއަކީ ގިނަ ޢަދަދެއްގެ ދިވެހި ދިރިއުޅެމުން އަންނަ ޤައުމެކެވެ.
