އަދާލަތު ޕާޓީއަކީ ފިކުރެއްކަމަށް ހޯމް މިނިސްޓަރ އަދި އަދާލަތު ޕާޓީގެ ރައީސް ޝައިޚް އިމްރާން ޢަބްދުﷲ ވިދާޅުވެއްޖެއެވެ.
މިނިސްޓަރ ޢިމްރާން މިހެން ވިދާޅުވީ އެޕާޓީއަށް މެންބަރުން އިތުރުކުރުމާއި ޕާޓިގެ މެންބަރުންނާއި ބައްދަލުކުރުމަށް ހދ.ވައިކަރަދޫއަށް ކުރައްވާ ދަތުރާއި ގުޅޭގޮތުން ކުރެއްވި ޓްވީޓެއްގައެވެ. މިނިސްޓަރ ވިދާޅުވީ ވައިކަރަދޫއަށް ވަޑައިގަނެވުމާއެކު ލިބިވަޑައިގަންނަވާ ޔަޤީންކަމަކީ އަދާލަތު ޕާޓީ ދާނީ ކުރިއަށްކަންކަމަށެވެ. އަދާލަތު ޕާޓީއަކީ ފިކުރެއްކަމަށާއި، ވައިކަރަދޫ ރައްޔިތުން އެދޭފަދަ ޝަރަފުވެރި ފިކުރެއްކަމަށްވެސް މިނިސްޓަރ ޢިމްރާން ވިދާޅުވިއެވެ.
Thiladhunmathee Vaikaradhoo ah aadhevuneema abadhuves alhugandah yageen vanee Maayi Allah ge vaagifulhaaeku Adhaalath Party dhaanee kuriyahkan. Adhaalath Party akee fikureh. Vaikaradhoo rayyithun edheyfadha sharafuveri fikureh. #SaafuAmaazakah pic.twitter.com/DYinEz9nRT
— Imran Abdulla (@ShimranAb) August 27, 2021
އަދާލަތު ޕާޓިއަކީ މިސަރުކާރުގެ ކޯލިޝަން ބައިވެރިއެކެވެ. އަދާލަތު ޕާޓީއަށް ސަރުކާރުގެ ބައެއް ސްލޮޓްތައް ދީފައިވުމާއި ގުޅިގެން އެމްޑީޕީގެ ބައެއް މެންބަރުން ގެންދަނީ ސަރުކާރަށް ފާޑުކިޔަމުންނެވެ.
ޢަދާލަތު ޕާޓީއަކީ ރާއްޖޭގައި ސިޔާސީ ޕާޓީތައް އުފެއްދުމުގެ ހުއްދަ ދޫކުރަން ފެށިފަހުން 3 ވަނަ އަށް އުފެދުނު ޕާޓީއެވެ. ޢަދާލަތު ޕާޓީ ރަޖިސްޓްރީކޮށްފައިވަނީ 18 އޯގަސްޓް 2005 ގައެވެ. އިލެކްޝަންސް ކޮމިޝަނުގެ ޕާޓީތަކުގެ ދަފްތަރު ދައްކާގޮތުން 30 ސެޕްޓެމްބަރ 2019 ގެ ނިޔަލަށް ޢަދާލަތު ޕާޓީގައި ތިބީ 6436 މެންބަރުންނެވެ.
