ހައްދުންމަތީ ގަމު ބަނދަރު ތަރައްޤީކުރުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އާ ޙަވާލުކޮށްފިއެވެ.
އެކަމަށްޓަކާ ޕްލޭނިންގ މިނިސްޓްރީގައި ބޭއްވި ޚާއްސަ ރަސްމިއްޔާތެއްގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ ޑިރެކްޓަރ ޖެނެރަލް ފާތުމަތު ޝާނާ ފާރޫޤެވެ. އެމް.ޓީ.ސީ.ސީގެ ފަރާތުން ސޮއިކުރެއްވީ އެކުންފުނީގެ ސީއީއޯ އާދަމް އާޒިމެވެ.
ޑިޒައިން އެންޑް ބިލްޑު އުސޫލުންހަވާލުކުރި މި މަޝްރޫޢުގެ ދަށުން ބަނދަރު ފުންކުރުމާއި 128 މީޓަރުގެ ބޮޑުހިލައިގެ ބޭރުތޮށި ލުމާއި،310 މީޓަރުގެ އެއްގަމު ތޮއްޓެލުމާއި، 360 މީޓާރުގެ ސޭންޑް-ފިލް ބްރޭކް ވޯޓަރ ޖެހުމާއި، 17 މީޓަރުގެ ސަބްމާރޖް ބްރޭކްވޯޓާރ ލުމާއި، 62 މޫރިން ރިންގު ހަރުކުރުމާއި، 20 މޫރިންގ ބޮއި ހަރަުކުރުން ހިމެނެއެވެ.
ގެ އިތުރުން 3 މީޓަރު ދިގު 25 މީޓަރު ފުޅާ ވޯކްވޭ ބްރިޖެއް ހެދުމުގެ އިތުރުން 15550 އަކަ މީޓަރުގެ ސަރަހައްދެއްގައި ޕޭވްމަންޓް ހަދާ، 24 މަގު ބައްތި ހަރުކުރުމުގެ މަސައްކަތްވެސް މި މަޝްރޫޢުގެ ތެރެއިން ކުރާނެއެވެ.
ގަމު ބަނދަރުގެ މަސައްކަތަށް 24,713,040.05 ރުފިޔާ ޚަރަދުކުރުމަށް ވަނީ ހަމަޖެހިފައެވެ. މިމަޝްރޫޢުގެ މަސައްކަތް އެމް.ޓީ.ސީ.ސީއާ ޙަވާލުކޮށްފައިވަނީ 1 އަހަރު ދުވަހުގެ ތެރޭގައި މަސައްކަތް ފުރިހަމަކުރާގޮތަށެވެ.
