އިންޑިއާގެ މުމްބާއީގައި ސީރިއަލް ވަގެއްގެ ގޮތުގައި ފާހަގަކުރެވޭ އަންހެނަކު އަނެއްކާވެސް ބޮޑު ވައްކަމެއް ކޮށްގެން ހައްޔަރުކޮށްފިއެވެ.
އެ އަންހެން މީހާއަކީ "ހައުސް ހެލްޕަރުން"ނާއެކު ގޭގެއަށް ގޮސް، އެ މަސައްކަތް ކުރިއަށްދާ ވަގުތު އެ ގޭގައި ހުންނަ ފައިސާ އާއި ރަނާއި، އަދި އެ ނޫންވެސް އަގުބޮޑު ތަކެތި ވަގަށް ނަގައިގެން ފިލާ މީހެކެވެ. އެ މައްސަލާގައި ފުލުހުން ހައްޔަރުކޮށްފައި ވަނީ 34 އަންހެނަކާއި އަދި އިތުރު މީހެކެވެ. އެ އަންހެން މީހާއަކީ ވަނީތާ ގައިކްވަޑް ނަމަކަށް ކިޔާ މީހެކެވެ.
އޭނާ އެންމެ ފަހުން އިތުރު މީހަކާއެކު ވައްކަން ކޮށްފައި ވަނީ ބަންދްރާގައި ހުންނަ ވިޔަފާރިވެރިއެއްގެ ގެއިންނެވެ. އެ ގެއިން އޭނާ ވަނީ ފައިސާ އާއި ރަން، އަދި 1.8 ލައްކަ ރުޕީސްގެ އަގު ހުރި ޖަވާހިރު ވަގަށް ނަގާފައެވެ. އޮކްޓޯބަރު 19 ވަނަ ދުވަހު އޭނާ އާ އިތުރު މީހަކު އެގެއިން ވައްކަން ކުރިއިރު، އެ މީހުން ހޯދިފައި ވަނީ އެ ގޭގައި ހަރުކޮށްވާ ސީސީޓީވީ ފޫޓޭޖްގެ އެހީގައެވެ.
އޭނާ ވަނީ 1990 ވަނަ އަހަރުން ފެށިގެން 44 ވައްކަން ކޮށްފައި. އަދި ސިޓީގެ އެކި ތަންތަނުން އެކި ފަހަރުމަތިން އޭނާ ހައްޔަރުކޮށްފައިވޭ.
– ފުލުހުން ބުނެފައި ވެއެވެ.
ފުލުހުން ވަނީ އެކަން ހިނގިތާ 24 ގަޑިއިރު ތެރޭގައި އެ މީހުން ހައްޔަރުކޮށް، ވަގަށް ނެގި ހުރިހާ އެއްޗެއް، ވަނީތާގެ ގެއިން ހޯދާފައެވެ.
ފުލުހުން ބުނެފައިވާގޮތުގައި، ވަނީތާ ހައްޔަރުކޮށްފައި ވަނީ އެފަދަ މައްސަލައެއްގައި އޭނާ ހައްޔަރުކޮށް ޖަލުގައި ދުވަސްތަކެއް ހޭދަކޮށް ދޫކޮށްލިތާ މާ ގިނަ ދުވަހެއް ނުވަނީސް އެވެ. އޭނާ އެންމެ ފަހުން ދޫކޮށްލާފައި ވަނީވެސް ކަފާލާތުގެ ދަށުންނެވެ.
