ޗައިނާއިން ރާއްޖެއަށް ކަޑައެޅުއްވި އާ ސަފީރު ވަންގ ލިޒިން ރޭގެ ވަގުތެއްގައި ރާއްޖެ ވަޑައިގެންފިއެވެ.
ޗައިނާއިން އާ ސަފީރަކު ރާއްޖެއަށް ކަޑައަޅުއްވާފައިވަނީ، ކުރިން އެ މަގާމުގައި ހުންނެވި ޒަހާން ލިޒޯންގ ދައުރު ފުރިހަމަ ކުރައްވާ އެބުރި ވަޑައިގަތުމާ ގުޅިގެންނެވެ.
ޗައިނާއިން ރާއްޖެއަށް ކަޑައެޅުއްވި އާ ސަފީރު ރާއްޖެ ވަޑައިގަތުމާ ގުޅިގެން އޭނާވަނީ، ދިވެހިރާއްޖޭގައި ހުންނަ ޗައިނާ އެމްބަސީގެ ރަސްމީ ޓުވިޓަރ އެކައުންޓުން، އޭނާ ރާއްޖެވަޑައިގެންފިކަން ހާމަ ކުރައްވާފައެވެ. އަދި އޭވާނީ، ރާއްޖެ ވަޑައިގަތުމާއެކު، ފޮރިންގ މިނިސްޓްރީގެ އެޑިޝަނަލް ސެކެޓްރީ އަދި ޑެޕިއުޓީ ޗީފް އޮފް ޕްރޮޓޮކޯލްގެ ފަރާތުން އޭނާއަށް ވިދާޅުވި ހޫނު މަރުހަބާއަށް ޝުކުރު އަދާ ކުރައްވާފައެވެ.
އަދިވަނީ، ރާއްޖެއާއި ޗައިނާއާއި ދެމެދު އޮތް ގާތްގުޅުން އާސްމިނަކަށް ގެންދިއުމަށް އޭނާ މަސައްކަތް ކުރައްވާނެކަމަށެވެސް ވިދާޅުވެފައެވެ.
Looking Forward to working with the government and people of Maldives to promote our friendly relations to a new high!
— Ambassador Wang Lixin (@China_Amb_Mdv) August 22, 2021
ޗައިނާއިން ރާއްޖެއަށް ކަޑައެޅުއްވި އާ ސަފީރަކީ، ރާއްޖޭގައި ޗައިނާ އެމްބަސީއެއް ރަސްމީކޮށް ހުޅުވުނުފަހުން، އެގައުމުން ރާއްޖެއަށް ކަޑައެޅުއްވި 4 ވަނަ ސަފީރެވެ.
ޗައިނާއިން ރާއްޖެއަށް ކަޑައެޅުއްވި ސަފީރުކަމުގެ މަގާމުން އެންމެ ފަހުން ހުންނެވި ޒަހާން ލިޒޯންގ މިހާރު ހުންނެވީ ޗައިނާއިން ޔޫގެންޑާއަށް ކަޑައަޅުއްވާފައި ހުންނެވި ސަފީރުގެ މަގާމުގައެވެ.
އާ ސަފީރު މަގާމުގެ ފަތްކޮށްޅު ރައީސުލްޖުމްހޫރިއްޔާއަށް އަރުވާނެ ތާރީޚެއް ފޮރިންގ މިނިސްޓްރީން އަދި ހާމަ ކޮށްފައެއް ނުވެއެވެ.
