އެކްޓަރު ޝާހިދު ކަޕޫރުގެ އަންހެނުން މީރާ ރާޖްޕުތަކީ ސޯޝަލް މީޑިއާގައި ވަރަށް ހަރަކާތެރި މީހެކެވެ. އޭނާ އަންނީ އިންސްޓަގްރާމް މެދުވެރިކޮށް އަަބަދުވެސް ފޭނުންނާ ގުޅުން ބަދަހި ކުރަމުންނެވެ.
އެގޮތުން މީރާ އޭނާގެ އިސްޓަގްރާމްގައި އެ މީހުންގެ ހަގު ދަރިފުޅު ޒޭން ވާހަކަދައްކާ އަޑު އިވޭ ވީޑިއޯ ކޮޅެއް ވަނީ ޕޯސްޓް ކޮށްފައެވެ. މޫނު ނުފެނި ހަމަ އެކަނި އަޑު އިވޭ މި ވީޑިއޯ ކޮޅުގައި ޒޭން ބުނެފައިވަނީ "އައި ވޯންޓް އީޓް ޔޫ" އެވެ.
ޝާހިދާއި މީރާ ވަނީ މީގެ ދެތިން މަހެއް ކުރިން ފެށިގެން އެމީހުންގެ ދަރިންގެ ފޮޓޯ ސޯޝަލް މީޑިއާގައި ހިއްސާ ކުރުން ހުއްޓާލައިފައެވެ.
މި ދެމީހުން ކައިވެނި ކޮށްފައިވަނީ 2015 ވަނަ އަހަރުއެވެ. އޭގެ އަހަރެއް ފަހުން 2016 ވަނަ އަހަރު ވަނީ އެ ދެމީހުންނަށް އަންހެން ކުއްޖަކު ލިބިފައެވެ. އެއީ މިޝާއެވެ. އޭގެ ފަހުން 2018 ވަނަ އަހަރު އެމީހުންނަށް ޒޭން ލިބިފައިވާއިރު އެކުއްޖާއަށް މިހާރު 3 އަހަރެވެ.
ޝާހިދު އެންމެ ފަހުން ފެނިގެން ދިޔައީ ސަންދީޕު ރެއްޑި ވަންގާގެ "ކަބީރު ސިންގް" އިންނެވެ. އޭނާ މިހާރު ކުރިއަށްގެންދަނީ ފިލްމް "ޖާޒީ"ގެ މަސައްކަތެވެ.
ކޮމެންޓު ފޮނުވާ