އިންޑިއާގެ މަގުބޫލު ސްޓޭންޑަޕް ކޮމޭޑިއަން ކަޕިލް ޝަރުމާގެ "ދަ ކަޕިލް ޝަރުމާ ޝޯވް" މި މަހުގެ 21ގައި ފަށާނެކަން ކަށަވަރު ކޮށްދީފިއެވެ.
ސޮނީ ޓީވީން ގެނެސްދޭ މި ޝޯއަކީ ކޮންމެ ހޮނިހިރު އަދި އާދިއްތަ ދުވަހެއްގެ ރޭ 9:00 ގައި ގެެނެސްދޭ ޝޯވް އެކެވެ. މި ޝޯވް އަންނަ ހޮނިހިރު ދުވަހު ފަށާނެކަން އިއުލާން ކުރަމުން ސޮނީން ވަނީ ޝޯގެ ޕްރޮމޯ އެއްވެސް ދައްކައިލާފައެވެ. މި ޝޯވްގެ ފުރަތަމަ އެޕިސޯޑުން ފެނިގެން ދާނި އަކްޝޭ ކުމާރެވެ. "ބެލްބޮޓަމް"ގެ ބައިވެރިން މި ފިލްމް ޕްރޮމޯޓް ކުރުމަށް ޝޯގައި ބައިވެރިވާއިރު އިތުރު ތަރިން ވެސް ފެނުމަކީ އެކަށީގެން ވާކަމެކެވެ.
View this post on Instagram
7 މަހެއްހާ ދުވަހުގެ މެދުކެނޑުމަކަށްފަހު މި ޝޯވް އަލުން ފަށާއިރު އާންމުންގެ ސަމާލުކަށް އަތުލާނެ ގިނަ ކަންތައްތަކެއް ޝޯއިން ފެނިގެންދާނެ ކަމަށް ސޮނީ ޓީވީން ބުނެއެވެ. މި ޝޯވް ދައްކަން ފަށާނެކަން އިއުލާން ކޮށްފައި މި ވަނީ "އިންޑިއަން އައިޑަލް"ގެ ސީޒަން 12 ނިމުމާއި އެކުގައެވެ.
މި ޝޯއިން ކުރިއެކޭ އެއްފަދައިން ކްރުޝްނާ އަބީޝެކް، ބާރްތީ ސިންގް، ކިކޫ ޝްރަދާ، ޗަންދަން ޕްރަބާކަރް، ސުމޯނާ ޗަކްރަބަތީ، އަރްޗަނާ ޕުރާން ސިންގް ފެނިގެން ދާނެއެވެ. އަދި ޝޯއާއި އަލަށް ކޮމޭޑިއަން ސުދޭސް ލެހެރީ ވަނީ ގުޅިފައެވެ.
މިދިޔަ ފެބްރުވަރީ މަހުގެ ތެރޭގައި ކަޕިލް ޝަރްމާ ޝޯވް މެދުކަނޑާލީ ކަޕިލްގެ ދެވަނަ ދަރިފުޅު ވިހެއުމާއި އެނޫންވެސް ބައެއް ސަބަބުތަކާ ހުރެއެވެ. ނަމަވެސް އޭރުވެސް ބުނެފައިވަނީ ނަގަނީ ކުޑަ ބްރޭކެއް ކަމަށާއި މޭ މަހު އަލުން އަނބުރާ ޝޯވް ފަށާނެ ކަމަށެވެ. ނަމަވެސް ޝޯވް އަލުން ފެށުން ލަސްވެފައި ވަނީ އިންޑިއާގައި ހަލުވި ސްޕީޑެއްގައި ކޯވިޑް ފެތުރި އިންޑިއާ 2 ވަނަ ލޮކްޑައުންއަކަށް ދިއުމުގެ ސަބަބުންނެވެ.
“ދަ ކަޕިލް ޝަރްމާ ޝޯވް” އަކީ ހުރިހާ އުމުރުފުރައެއްގެ މީހުންވެސް ބަލަމުންގެންދާ، ހެއްވާމަޖާ ކަންތައްތަކެއް ގެނެސްދޭ ޝޯވްއެކެވެ. ސޮނީގެ މި ޝޯވް އިންޑިއާގައި އެންމެ މަޤްބޫލު ޓީވީޝޯވް ތަކުގެ ތެރޭގައި ހިމެނެއެވެ.
