އިނގިރޭސި ލީގުގައި މި ސީޒަންގައި ކުޅުނު ފުރަތަމަ މެޗު ޗެލްސީ ކާމިޔާބުކޮށްފިއެވެ.
ޗެލްސީން ވަނީ އެ ޓީމުގެ ފުރަތަމަ މެޗުގައި އަމިއްލަ ދަނޑުގައި 3-0 ކްރިސްޓަލް ޕެލޭސް އަތުން މޮލުވެފައެވެ. ޗެލްސީގެ ފުރަތަމަ ގޯލު ހިލޭ ޖެހުމަކުން ކާމިޔާބުކުރީ މާކޯސް އަލޮންސޯއެވެ. ޗެލްސީގެ އަނެއް ދެ ގޯލު ޖެހީ ކްރިސްޓިއަން ޕުލިސިކް އާއި ޒުވާން ޑިފެންޑަރު ޓްރެވާ ޗަލޯބާއެވެ.
ޕްރިމިއާ ލީގުގެ އެހެެން މެޗުތަކުގެ ނަތީޖާ އަށް ބަލާއިރު، އެވަޓަން އިން ވަނީ ފަހަތުން އަރައި 3-1 އިން ސައުތެމްޓަން ބަލިކޮށްފަ އެވެ. އަލަށް ޕްރޮމޯޓްވި ވަޓްފޯޑުން 3-2 އިން އެސްޓަން ވިލާ ބަލިކުރިއިރު، ލެސްޓާ ސިޓީ ވަނީ 1-0 އިން ވުލްވްސް އަތުން މޮޅުވެފައެވެ. އަދި ބާންލީ ދަނޑުގައި ބްރައިޓަން އިން ވަނީ ފަހަތުން އަރައި 2-1 އިން މޮޅުވެފައެވެ.
މި ވޭތުވެދިޔަ 16 އަހަރު ސީޒަން ހުޅުވި މެޗުން ޗެލްސީ މިހާތަނަށް ބަލިވެފައިވަނީ އެއް ފަހަރެވެ. އެހެން ފަހަރުތަކުގައި އެ ޓީމު ވަނީ މޮޅެއް ނުވަތަ މެޗަކުން އެއްވަރުކޮށްފައެވެ.
