އއ.އުކުޅަހު ބަނދަރު ބޮޑުކުރުމުގެ މަޝްރޫއުގެ މަސައްކަތް ބާރަށް ކުރިއަށް ދާކަމުގައި އެމްޓީސީސީން ބުނެފިއެވެ.
އެމްޓީސީސީން ބުނެފައިވަނީ އއ. އުކުޅަސް ބަނދަރުގެ އެއްގަމުތޮށި ލުމާއި ޖެޓީ ހެދުމުގެ މަޝްރޫޢުގެ މަސައްކަތުގެ 62 ޕަސެންޓް ނިމިފައިވާކަމަށެވެ. އަދި މި މަޝްރޫޢުގެ ދަށުން، އެއްގަމުތޮށި ލުމަށް ބޭނުންވާ ކޮންކްރީޓް ގައު އެތުރުމުގެ މަސައްކަތް މިހާރު ނިމިފައިވާކަމަށެވެ.
އއ. އުކުޅަސް ބަނދަރުގެ އެއްގަމުތޮށި ލުމާއި ޖެޓީ ހެދުމުގެ މަޝްރޫޢުގެ މަސައްކަތުގެ 62 ޕަސެންޓް ނިމިއްޖެ. މި މަޝްރޫޢުގެ ދަށުން، އެއްގަމުތޮށި ލުމަށް ބޭނުންވާ ކޮންކްރީޓް ގައު އެތުރުމުގެ މަސައްކަތް މިހާރު ވަނީ ނިމިފައި. #MTCCProjects pic.twitter.com/ook2LuW8Uj
— MTCC Plc (@MTCCPlc) August 14, 2021
އުކުޅަހު ބަނދަރު ތަރަށްޤީކުރުމުގެ ޢަމަލީ މަސައްކަތް އެމްޓިސީސީއާ ޙަވާލުކޮށްފައިވަނީ މިދިޔަ އަހަރުގެ ފަހުކޮޅުއެވެ. ބަނދަރު ފުންކުރުމުގެ މަސައްކަތުގައި 19،630 އަކަމީޓަރުގެ ސަރަޙައްދެއް ފުންކުރުމަށްވަނީ ހަމަޖެހިފައެވެ.
މި މަޝްރޫޢުގައި ދެން ހިމެނެނީ ރަށުގެ ބަނދަރަށް ޖާގަ އިތުރުކުރުމާއި ރަށުގައި ޖެޓީއެއް ހެދުމުގެ މަސައްކަތެވެ. އެގޮތުން ބަނދައަށް 136މީޓަރުގެ އެއްގަމު ތޮށްޓެއް އިތުރުކުރުމާއި، 138.73މީޓަރުގެ ޖެޓީއެއް ހެދުމާއި 31މީޓަރުގެ ސަރަޙައްދުގައި ބޭރު ތޮށި ލުމުގެ މަސައްކަތް ހިމެނެއެވެ. މީގެއިތުރަށް ބަނދަރާ އިންވެގެން 580އަކަ މީޓަރުގެ ސަރަޙައްދުގައި ޕޭމަންޓް ހެދުމުގެ މަސައްކަތް މި މަޝްރޫޢުގައި ހިމެނެއެވެ.
މިއީ ދައުލަތުގެ ބަޖެޓުން 19.9މިލިއަން ރުފިޔާ ޚަރަދުކޮށްގެން ކުރިއަށްގެންދާ މަސައްކަތެކެވެ.
