ކުވައިތްގައި މީހަކު މަންމަ މަރާލަން އުޅުނީ، އޭނާގެ ހުވަފެނުގައި މަންމަ ސިހުރު ހަދާ މަންޒަރު ފެނިގެންކަން ހާމަވެއްޖެ އެވެ.
އެކަން ހާމަވެފައި ވަނީ އެ ޒުވާން ފިރިހެން މީހާގެ މަންމަ ދިރިއުޅެމުންދާ އަލް ސަލްމިޔާ ސަރަހައްދުގައި ހުންނަ އެޕާޓެމެންޓަކަށް ވަދެ ވަޅިން މަންމަ މަރާލަން އުޅުނު ފަހުން ހިންގި ތަހުގީގުންނެވެ. އެ މައްސަލާގައި ކުވައިތްގެ ސެކިއުރިޓީ އޮފިސަރުން ހައްޔަރުކޮށްފައި ވަނީ އެ ގައުމަށް ނިސްބަތްވާ މީހެކެވެ. އެ އޮފިސަރުން އޭނާ ހައްޔަރުކޮށްފައި ވަނީ، ޒުވާނަކު އޭނާގެ މަންމަ މަރާލަން އުޅޭ ކަމުގެ މައުލޫމާތު ލިބިގެން އެ ސަރަހައްދަށް އޭނާއަށް ނަސޭހަތްދިނުމަށް ފަހު ވަޅި އޭނާގެ އަތުން ނެގުމަށް ފަހު އެވެ.
އެ މައްސަލައިގެ ތަހުގީގުން ފާހަގަވިގޮތުގައި، އެ ފިރިހެން މީހާއަކީ ކުރިން ފުލުހެކެވެ. އޭނާ ބުނެފައި ވަނީ، އޭނާ މަންމަ މަރާލަން އުޅުނީ މަންމަ ސިހުރު ހަދާ މަންޒަރު ހުވަފެނުން ފެނިގެން، މަންމަ އެކަން ކުރުން ހުއްޓުވަން ކަމަށެވެ. އެ މައްސަލާގައި އޭނާގެ މަންމަ އޭނާގެ މައްޗަށް ކޭސްއެއް ފައިލް ކުރަން ބޭނުން ނުވެއެވެ. އޭނާ ފުލުހުންގެ ވަޒީފާއިން ވަކިވީ މި އަހަރުގެ ފެބްރުއަރީ މަސް ތެރޭގައެވެ.
އެ އަންހެން މީހާ ބުނޫ، އޭނާގެ ދަރިފުޅު މަސްތުވާތަކެތި ބޭނުންކުރާ ކަމަށާއި، އެކަމާއި ރިހެބިލިޓޭޝަން ހޮސްޕިޓަލެއްގައި ފަރުވާގެ ކަންކަން ކުރިއަށް ދާ ކަމަށެވެ.
