ސަރުކާރަށް މިހާރުގެ ރައްޔިތުންގެ މަޖިލިހުގެ މަޖޯރިޓީ ހިފެހެއްޓެވުމުގެ މަސައްކަތް ފެއްޓެވީ އެމްޑިޕީގެ ޕީޖީ ގުރޫޕުގެ ބައްދަލުވުމަކަށްފަހު، ޕީޖީ މެމްބަރުންނާ ކުރެވު މަޝްވަރާތަކަކަށްފަހު ކަމަށް ރައީސް އިބުރާހިމް މުހައްމަދު ސާލިހު ވިދާޅުވެއްޖެއެވެ.
އެމަނިކްފާނު މިހެން ވިދާޅުވީ، މިއަދި ރައީސް އޮފީހުގައި އޮތް ނޫސްވެރިންގެ ބައްދަލުވުމެއްގައި، ނޫސްވެރިޔަކު ކުރެއްވި ސުވާލަކަށް ޖަވާބު ދެއްވަމުންނެވެ.
ސަންގު ޓީވީގެ ނޫސްވެރިޔަކު ރައީސް ސާލިހުއާ ސުވާލު ކުރައްވާފައިވަނީ، އޭނާއާއެކީ، އައްޑޫ މީދޫ ދާއިރާގެ މެމްބަރު ރޮޒޭނާ އާދަމް ކުރިޔަށް ގެންދެވި ޕްރޮގްރާމެއްގައި، ރައީސް ސޯލިހުއާއި ޕީޖީ ގްރޫޕާ ބައްދަލު ވެވަޑައިގެންނެވި ފަހަރެއްގައި ކަންތައްތަކެއް ހިގައިންދިޔަ ކަމުގެ ވާހަކަ ވިދާޅުވެފައިވާ ކަމަށާއި، އަދި އޭގެއިންވެސް އެމްޑީޕީގެ ޕީޖީ ގުރޫޕުން ރައީސް ސާލިހާމެދު ދެކޭގޮތް އެގިގެން ދާނެކަމަށް ރޮޒެއިނާ ވިދާޅުވެފައިވާ ކަމަށެވެ. އަދި އެމްޑީޕިގެ ޕީޖީ ގުރޫޕްގެ ބައްދަލުވުންތަކުގައި ރައީސް ސޯލިހަށް ޖެއްސުންކުރުމުގެ ކަންކަތައްކަތެއް ހިގައިގެން ދަނީތޯ ނޫސްވެރިޔަކު ކުރެއްވި ސުވާލުގެ ޖަވާބުގައި ރައީސް ސޯލިހު ވިދާޅުވީ އެފަދަ އެއްވެސް ކަމެއް ހިގައިގެން ގޮސްފައި ނުވާކަމަށާއި، އެހެންނަމެވެސް އެދުވަހުގެ ޕީޖީގެ ބައްދަލުވުމުގައި، ޕާޓީގެ ޕީޖީގެ ވިސްނުމަކަށް ބޮޑަށް އޮތީ، ތިމަންނަމެން މަސައްކަތް ކުރާނީ އެމްޑީޕީ ވަކިން ކަމުގައި މެމްބަރުންގެ ވިސްނުމުން ސާފުވެގެން ދިޔަ ކަމަށް ރައީސް ސާލިހު ވިދާޅުވިއެވެ.
އެމްޑިޕީގެ ޕާލަމެންޓްރީ ގްރޫޕް މަސައްކަތް ކުރާނީ، އެޖެންޑާ19 އަދި ޕާޓީގެ ވިސްނުމާ އެކީ، ސަރުކާރުން ހުށަހަޅާ ކޮންމެ އެއްޗަކަށް އާއެކޭ ބުނުން އެއީ ތިމަންނަމެން ކުރާނެ ކަމެއް ނޫނޭ، އެ ވިސްނުން އައީ،
އެހެންވީމަ އަޅުގަޑު އެދުވަހުން ފެށިގެން ހަމަ މަސައްކަތް ކުރިން ސަރުކާރަށް ރައްޔިތުންގެ މަޖިލިހުގެ މެޖޯރިޓީ ހިފަހައްޓަން، އެއީ އަޅުގަޑު ކުރަންޖެހޭނެ ކަމެއް.
ރައީސް ވިދާޅުވިއެވެ.
ރާއީސް ސާލިހު ވިދާޅުވީ މިދެންނެވި ބައްދަލުވުމުގައި އެމަނިކްފާނަށް ޖެއްސުން ކުރުމުގެ އެއްވެސް ކަމެއް މެމްބަރުން ނުކުރައްވާ ކަމަށާއި، އަދި އެފަދަ އެއްވެސް ކަމެއް ހިގާފައިވެސް ނުވާ ކަމުގައެވެ.
ރައީސް ސާލިހު ވިދާޅުވި ގޮތުގައި އެމްޑީޕީއަކީ ވަރަށްބޮޑު ސިޔާސީ ޕާޓީއެއް ކަމަށާއި، އެޕާޓީގެ ޚިޔާލުތަފާވުންތައް އަންނަ ކަމަށާއި، ބައެއް ބޭފުޅުން ބައެއް އެއްޗހި ވިދާޅުވާނެ ކަމަށާއި، އެހެންނަމަވެސް، އެމަނިކްފާނު މި މަގާމުގައި ހުންނަވައިގެން އެއަށް ރައްދުދީ އޭގެ ފަހަތުން ދުވެ ހެދުމަކީ ރަގަޅުކަމެއް ކަމުގައި ދެކެވަޑައި ނުގަންނަވާނެ ކަމަށެވެ.
މިއަދުގެ ޕްރެސް ކޮންފަރެންސްގައި ރައީސް ސާލިހު ވިދާޅުވެފައިވަނީ، މަޖިލީހުގެ މެޖޯރިޓީ އެމަނިކްފާނު ހިފަހައްޓަވާނެކަމަށެވެ.
