އެމްއެންޑީއެފްގެ އިންފޮމޭޝަން އޮފިސާރގެ މަޤާމު ފުރުއްވަމުންދިޔަ އިބްރާހިމް އާޒިމް މަޤާމުން ވަކިިކޮށް، ހަނާ މުހައްމަދު ހަމަޖައްސައިފިއެވެ.
އެމްއެންޑީއެފްއިން ބުނެފައިވަނީ އެއިދާރާގެ އިންފޮމޭޝަން އޮފިސާގެ މަޤާމުގައި ހުންނެވި މޭޖަރ އިބްރާހިމް އާޒިމްގެ ބަދަލުގައި މިއަދުން ފެށިގެން އެމަޤާމު ކެޕްޓަން ހަނާ މުހައްމަދު ހަމަޖައްސާފައިވާކަމަށެވެ.
ނަމަވެސް އެމްއެންޑީއެފްއިން އާޒިމް އެމަޤާމުން ބަދަލުކުރި ސަބަބެއް އަންގާފައި ނުވެއެވެ. އާޒިމްއަކީ މިޑިއާގެ އެކި ފަރާތްތަކާއި ގާތް ގުޅުމެއް ބާއްވާ، މިޑިއާއާއި ރައްޓިހި އިންފޮމޭޝަން އޮފިސަރެއްގެ ގޮތުގައި ގިނަ މީޑިއާތަކުން ފާހަގަކުރެއެވެ.
Mee sifainge thareekh gai, MNDF ge Information Officer ge magaamah Sifain ge kan'balaku ayyankuravvaa furathama faharu.
Minthee ge hamahamakan gaaimu kurumah MNDF in kuramundhaa masakkathugai, Sifainge kanbalunnah MNDF in vany gina furusathu thakeh hulhuvaalevifai. https://t.co/yDuVkOWXhf
— Maldives National Defence Force (@MNDF_Official) August 11, 2021
މިއީ ސިފައިންގެ ތާރީހުގައިވެސް، އެމްއެންޑީއެފްގެ އިންފޮމޭޝަން އޮފިސާގެ މަޤާމަށް ސިފައިންގެ ކަނބަލަކު އަންޔަންކުރެވުނު ފުރަތަމަ ފަހަރެވެ. މިންތީގެ ހަމަހަމަކަން ޤާއިމްކުރުމަށް އެމްއެންޑީއެފްއިން ކުރަމުންދާ މަސައްކަތުގައި، ސިފައިންގެ ކަނބަލުން އެމްއެންޑީއެފް އިން ވަނީ ގިނަ ފުރުސަތުތަކެއް ހުޅުވިފައިކަމަށް އެއިދާރާއިން ވަނީ ބުނެފައެވެ.
