ބޮލީވުޑްގެ ކުރީގެ އެކްޓްރެސް ސަނާ ޚާންގެ ދެމަފިރިން ޗުއްޓީއަށް ރާއްޖެ އަތުވެއްޖެއެވެ.
މި ދެމަފިރިން ޗުއްޓީ ހޭދަކުރަމުން އަންނަނީ ފިނޮޅު ރިސޯޓުގައެވެ.
ސަނާ ޚާން ވަނީ އިންޑިއާގެ މުފްތީ އަކާއި ކައިވެނި ކުރުމަށްފަހު ބޮލީވުޑް ދޫކޮށްލާފައެވެ. ނަމަވެސް އޭނާ ސޯޝަލް މީޑިއާގައި ވަރަށް ހަރަކާތްތެރިއެވެ.
32 އަހަރުގެ ސަނާ، މުފްތީ އަނަސް ސައްޔިދު އާއި ކައިވެނި ކުރީ މިދިއަ އަހަރުގެ ނޮވެމްބަރު މަހުގެ ތެރޭގައިއެވެ. މި ކައިވެންޔަކީ ގިނަ ބަޔަކަށް ހައިރާންކަން ގެނުވި ކުއްލި ކައިވެންޔެކެވެ. ކައިވެންޏަށް ފަހު ސަނާ ވަނީ ވަރަށް ބޮޑަށް ދީނާ ގުޅޭ ކަންކަމުން ފެންނަން ފަށާފައިއެވެ. އެގޮތުން އޭނާގެ ހެދުން އެޅުމަށް ވެސް ވަނީ ބޮޑު ބަދަލެއް އައިސްފައިއެވެ.
މޯލްޑިވްސް ޖަހައި ސަނާ އޭނާގެ އިންސްޓަގްރާމްގައި ކުރި ޕޯސްޓެއްގައި ވަނީ މި ދަތުރުމަތީގައި ހިނގާދިއަ ކަންތައްތައް ހިއްސާކޮށްފައެވެ. އަދި މި ވީޑިއޯއިން އެ ދެމަފިރިން އެއާޕޯޓްގައި ނަމާދު ކުރާ ތަންވެސް ފެނިގެންދެއެވެ.
View this post on Instagram
ސަނާ އެންމެ ފަހުން ފެނިގެން ގޮސްފައިވަނީ އަކްޝޭ ކުމާރުގެ "ޓޮއިލެޓް: އޭކް ޕްރޭމް ކަތާ" އިންނެވެ. އޭނާ ފެނިގެން ގޮސްފައިވާ އެހެން ބައެއް ފިލްމް ތަކުގެ ތެރޭގައި "ހައްލާ ބޯލް"، "ޖޭ ހޯ" އަދި "ވަޖާ ތުމް ހޯ" ފާހަގަ ކޮށްލެވެއެވެ.
ރިއަލީޓީ ޝޯތަކުގެ ތެރެއިން ކަލާޒްގެ "ބިގް ބޮސް" އާއި "ޚަތުރޯން ކޭ ކިލާޅީ" ފަދަ ޝޯވ ތަކުގައި ވެސް ސަނާ ވާދަކޮށްފައިވެ އެވެ.
