ހއ.ތުރާކުނު ދެ ކައުންސިލް މެމްބަރަކު އިދިކޮޅު ޕީޕީއެމްއަށް ސޮއިކޮށްފިއެވެ.
ޕީޕީއެމްއަށް ގުޅިވަޑައިގެންނެވި ދެ މެންބަރުންނަކީ އަމިއްލަ ގޮތުން ތުރާކުނު ކައުންސިލަށް އިންތިޚާބުވި ތޮހާ އަލީއާއި، ހުސްނާ އިބްރާޙީމްއެވެ. އިދިކޮޅު ޕްރޮގްރެސިވް ކޯލިޝަނުން ހއ.އަތޮޅަށް ކުރަމުންދާ ދަތުރުގައި ގިނަ ބަޔަކު ދަނީ ކޯލިޝަންގެ މައިޕާޓީ ޕީޕީއެމްއާއި ގުޅެމުންނެވެ. އޭގެ ތެރޭގައި ކައުންސިލަރުންނާއި، ވެރިކަން ކުރާ އެމްޑީޕީގެ މެމްބަރުންނާއި، އާންމު ގިނަ ބަޔަކުވެސް ހިމެނެއެވެ.
ތޮހާއާއި ހުސްނާ ވެސް ޕީޕީއެމްއަށް ގުޅިވަޑައިގަތުމަށް ފަހު މެންބާޝިޕް ފޯމު ހަވާލު ކުރެއްވީ ޕީއެންސީގެ ނައިބު ރައީސް އަދި މާވަށު ދާއިރާގެ މެންބަރު މުހައްމަދު ސައީދެވެ. ސައީދަކީ ތުރާކުނަށް އުފަން ބޭފުޅެކެވެ.
މިދެބޭފުޅުން ޕީޕީއެމްއާއި ގުޅިވަޑައިގަތުމުން ޕީޕީއެމްގެ ނާއިބް ރައީސް އަހުމަދު ޝިޔާމް ވަނީ މިބޭފުޅުންނަށް މަރުހަބާ ދަންނަވާފައެވެ. އަދި ވިދާޅުވީ ކުރިއަށް އޮތް 2023 ގެ ރިޔާސީ އިންތިޚާބު ރައީސް ޔާމީން ކާމިޔާބު ކުރައްވަނީ ހުރިހާ ރައްޔިތުންގެ ވޯޓާއި ތާއީދާއިއެކުގައި ކަމަށެވެ.
HA. Thuraakunu 2 Council Memberun kamugaiva Thoha Ali adhi Husna Ibrahim PPM aa gulhivadaigathumun 2 beyfulhunnahves varah bodah mruhaba dhannava shukuru dhannavan. In Aha Allah 2023 RY kaamiyab kuravvaanee huriha Dhivehi lobuvethi rayyithunna eku#MavesPPM #FreePresidentYameen pic.twitter.com/XRiVmRV6JV
— Ahmed Shiyam (@Shiyamaldives) August 9, 2021
ޕީޕީއެމްގެ ލީޑަރޝީޕުން މިކުރާ ދަތުރުގައި ހއ. އަތޮޅުގެ ރަށްތަކަށް ދަތުރު ކުރުމަށް ހަމަޖެހިފައިވަނީ މިމަހުގެ 7 އިން 14 އަށެވެ. މިދަތުރަށްފަހު މިމަހުގެ ތެރޭގައި އައްޑޫ ސިޓީއަށް ދިއުމަށްވެސް ވަނީ ހަމަޖެހިފައެވެ. އަދި މިދަތުރުތަކުގައި ކުރިއަށް އޮތް ދުވަސްތަކުގައި މުޅި ރާއްޖެ ކަވަރު ކުރެވޭނެހެން ދަތުރުތައް އިންތިޒާމު ކުރަމުންދާކަމަށް ޝުޖާ ވިދާޅުވިއެވެ.
