"މިސިޒް ޗައްޓާޖީ ވާސަސް ނޯވޭ" ގެ ޝޫޓިން އަށް ރާނީ މުކަރްޖީ ހުކުރު ދުވަހު ނޯވޭއަށް ފުރައިފިއެވެ.
މި ފިލްމަކީ ބޭރުގައުމެއްގައި މަންމަ އަކު ދަރިއަކަށް އިންސާފު ހޯދައިދިނުމަށް ކުރާ މަސައްކަތްތަކެއް ދައްކުވައިދޭ ފިލްމެކެވެ.
ފިލްމްގެ މަސައްކަތަށް ގައުމުން ބޭރަށް ދިއުމަށް ރާނީ އެއަރޕޯޓަށް ގޮސްއުޅެނިކޮށް ނަގާފައިވާ ފޮޓޯތަކެއް ބައެއް މީޑިއާ ތަކުންވަނީ ހިއްސާކޮށްފައެވެ. ސްވިޓް ޝާޓް އަކާއި ޕޭންޓެއްގައި، އެއާޕޯޓްގެ ބައެއް ތަންތަނުގައި ރާނީ ހުއްޓައި ނަގާފައިވާ މި ފޮޓޯތަކުން އޭނާ އާއި އެކު ކުރޫގެ އެހެން މެމްބަރުންވެސް ފެނެއެވެ.
View this post on Instagram
ނިކިލް އަދުވާނީގެ އެންމޭ އެންޓަޓައިންމަންޓުން ޕްރޮޑިއުސްކޮށް، އަޝިމާ ޗިއްބާ ޑައިރެކްޓްކުރާ މި ފިލްމުގެ ޝޫޓިންގައި ރާނީ މަހެއްހާ ދުވަސް ގައުމުން ބޭރުގައި ހޭދަކުރާނެކަމަށް ޚަބަރުތަށް ބުނެއެވެ.
އަޝިމާ އަކީ ޔަޝް ރާޖް ފިލްމްސް (ވައިއާރްއެފް) އިން 2013 ގައި ގެނެސްދިން "މޭރޭ ޑޭޑް ކީ މަރޫޓީ"ގެ ޑައިރެކްޓަރެވެ. ޔަޝް ރާޖް ފިލްމްސް އަކީ ރާނީގެ ފިރިމީހާ އަދިތިޔާ ޗޯޕްޅާގެ ފިލްމު ކުންފުންޏެކެވެ.
ރާނީ އެންމެ އަވަހަށް ބެލުންތެރިންނަށް ފެންނާނެ ފިލްމަކީ ކޯވިޑް-19 ގެސަބަބުން ރިލީޒް ނުކުރެވިއޮތް "ބަންޓީ އޯރު ބަބްލީ 2″ އެވެ.
