މާލެ ސިޓީ ކައުންސިލުން މާލޭގެ ރައްޔިތުންނާއި މިރެއިން ފެށިގެން ބައްލުކުރުމަށް ހަމަޖެހިފައިވާކަމަށް ސިޓީ ކައުންސިިލްގެ މޭޔަރު ޑރ.މުހައްމަދު މުއިއްޒު ވިދާޅުވެއްޖެއެވެ.
ސިޓީ ކައުންސިލުން މިހާރު ބާއްވާ ނޫސްވެރިންގެ ބައްދަލުވުމުގައި ސިޓީ ކައުންސިލްގެ މޭޔަރު ޑރ.މުހައްމަދު މުއިއްޒު ވިދާޅުވީ މާލެ ސިޓީ ރައްޔިތުންނާއި ބައްދަލުކޮށް، ރައްޔިތުންގެ މަޝްވަރާގެ މަތީން ކަންކަން ކުރުމަކީ ސިޓީ ކައުންސިލްގެ ވިސްނުންކަމަށެވެ. ނަމަވެސް ކޯވިޑް-19 އާއި ގުޅިގެން ރައްޔިތުންގެ ބައްދަލުވުން ނުބޭއްވި ދުވަސްތަކެއް ދިއުމަށްފަހު ދީފައިވާ ލުއިތަކާއިއެކު މިރެއިން ފެށިގެން ބައްދަވުން ބޭއްވުމަށް ހަމަޖެހިފައިވާކަމަށެވެ.
މޭޔަރު ވިދާޅުވީ އެއްބައްދަލުވުމުގެ ބަދަލުގައި ކޮންމެ އަވަށެއްގައިވެސް ވަކިން ބައްދަލުވުން ބާއްވަން ނިންމާފައިވާކަމަށެވެ. މިބައްދަލުވުންތަކުގެ ބޭނުން މާލެ ސިޓީގެ ރައްޔިތުން ވީހާވެސް ފުޅާދާއިރާއެއްގައި ހިފުމަށް މުއިއްޒު ވަނީ އެދިވަޑައިގެންފައެވެ.
މިރޭގެ ބައްދަލުވުން، ޚާއްސަ ކުރެވިފައިވަނީ ގަލޮޅުގެ ރައްޔިތުންނަށް ކަމަށާއި، ނަމަވެސް މިބައްދަލުވުމުގައި މާލޭގެ ހުރިހާ ރައްޔިތުންނަށް ހުޅުވާލާފައިވާކަމަށެވެ. މިބައްދަލުވުން އޮންނާނީ ބާއިންޖީނުގޭ ހުރި ބިމުގައި ތަރައްޤީ ކޮށްފައިވާ ޕާކު ތެރޭގައިކަމަށް މުއިއްޒު ވިދާޅުވިއެވެ. ވަކިވަކި ދާއިރާތައް ބައްދަލުވުން ބޭއްވި ކަމުގައިވީނަމަވެސް ބޭނުމަކީ ފުޅާދާއިރާއެއްގައި ރައްޔިތުންގެ ޚިޔާލާލައި މަޝަވްރާ ހޯދުންކަމަށް މުއިއްޒު ވިދާޅުވިއެވެ.
ބައްދަލުވުންތަކުގައި މާލެއަށް ދިމާވެފައިވާ ޕާކިންގެ މައްސަލަތަކާއި، ބިން ބޭނުންކުރުމުގައި ރައްޔިތުންގެ ވިސްނުން ހުރިގޮތާއި، އެނޫންވެސް ގިނަ މައްސަލަތަކާއި ގުޅޭގޮތުންވެސް މަޝްވަރާ ކުރުމަށް ހަމަޖެހިފައިވާކަމަށެވެ. މާލެއާއި ހުޅުމާލެއާއި ވިލިމާލެ ހިމެނޭހެން ބާއްވާ މިބައްދަލުވުންތައް ބާއްވާނެ ތާރީހުތަކާއި، ބައްދަލުވުން ބާއްވާނެ ތަންތަންވެސް މުއިއްޒުވަނީ ހިއްސާ ކުރައްވާފައެވެ.
