ރާއްޖޭގައި އިންތިޚާބެއް ބާއްވައިގެން، އިންތިޚާބަކުން މޮޅުވެދާނެކަމަށް ރައީސް އިބްރާހިމް މުހައްމަދު ޞާލިހުއަށް ހީވާނަމަ އެއީ، އެމަނިކުފާނުގެ ސޮހޮލު ކަމުން ހީވާ ހީވުމެއް ކަމުގައި ހޯމް މިނިސްޓްރީގެ ކުރީގެ ސްޓޭޓް މިނިސްޓަރ ޝިފާޤު މުފީދު (ހިސްޓޯ) ވިދާޅުވެއްޖެއެވެ.
ކުރިއަށް އޮތް ރިޔާސީ އިންތިޚާބު އައުމުގެ މާކުރިން އިދިކޮޅު ސިޔާސީ، ވާދަވެރިން ދައްކާ ވާހަތަކުން އެމީހުން ބައިބައި ވެފައިވާކަމަށް ޓުވަރިޒަމް މިނިސްޓަރ ޑރ.އަބްދުﷲ މައުސޫމް ވިދާޅުވެ ދެއްކެވި ވާހަތަކާއި ގުޅިގެން ހިސްޓޯ ވިދާޅުވީ ރާއްޖެ ސުންނާފަތި ކޮށްލައި، އިންތިޚާބެއް ބާއްވައިގެން ރައީސް ޞާލިހުއަށް ކާމިޔާބު ކުރެވިދާނެކަމަށް ގަބޫލު ކުރުމަކީ ކުށް ހީއެއްކަމަށެވެ.
ޤައުމު ސުންނާފަތިކޮށް ވިއްކާލާފައި، އިންތިޚާބަކާ ކުރިމަތިލައިގެން މޮޅުވެދާނެ ކަމަށް ރައީސް ޞާލިޙު ހީފުޅުކުރައްވާނީ ސޮހޮލު ކަމުން.
– ހޮސްޓޯ ވިދާޅުވިއެވެ.
Inthihaab iulaan kurumuge maakurin indhikolhu bali vejje, Raees Solih hama molhee!@Mausoom_Maus https://t.co/O4IZ14eu2p
— Khabaru Online (@KhabaruOnline) August 3, 2021
ކުރިއަށް އޮތް ރިޔާސީ އިންތިޚާބާއި ދިމާކޮށް، އިދިކޮޅު ސިޔާސީ ޕާޓީތަކުގެ ހަރަކާތްތައް އިތުރަށް ފުޅާކޮށް، ގިނަ ހަރަކަތްތަކެއް ދަނީ ރާވަމުންނެވެ. އިދިކޮޅު ކޯލިޝަނުން ގެންދަނީ ޤައުމީ ޚާއްސަ ކެމްޕެއިނެއްވެސް އިފްތިތާހުކޮށްގެން ކުރިއަށް ގެންދަމުންނެވެ.
އިދިކޮޅު ހަރަކާތައް ވަރުގަދަކޮށްފައިވާ މިދަނޑިވަޅުގައި ޑރ.މައުސޫމް ވިދާޅުވީ އިދިކޮޅު ފަރާތްތަކުން މިހާރު ދައްކަމުންދާ ވާހަތަކުން ރިޔާސީ އިންތިޚާބު އައުމުގެ މާކުރިން ބަލި ޤަބޫލުކޮށްފައިވާކަން ދޭހަވާކަމަށެވެ. ކޯވިޑްގެ ދަތި ދުވަސްތަކުގައިވެސް ސަރުކާރުން ރައްޔިތުންނަށް ކަންކަން ކޮށްދީފައިވަނީ ނުހަނު ރަނގަޅަށް ކަމަށާއި، މިކަމުންވެސް ރައީސް ޞާލިހުގެ ކުޅަދާނަކަން ހާމަވެފައިވާކަމަށް މައުސޫމް ވިދާޅުވިއެވެ.
އިދިކޮޅުޕާޓީީގެ ބައެއް އިސް ބޭފުޅުން “ނާވާދަވެރި” ގޮތަކަށް ބަސް ވިދާޅުވުމުން ދޭހަވަނީ އިންތިޚާބު އިއުލާނުކުރުމުގެ މާކުރިން އެވެރިން ބަލި ގަބޫލު ކޮށްފިކަން. ރައީސް ޞާލިޙު ހަމަމޮޅީ! އެކޮނުމީ ފުލުގަޖައްސާލި ކޮވިޑުތެރޭވެސް ޤައުމު ހިންގަމުން އެ ގެންދަވަނީ އެއުރެން ޖޭ ވާހާ މޮޅަށް.
– މައުސޫމް ވިދާޅުވިއެވެ.
ކޯވިޑްގެ ކަންކަން ސަރުކާރުން ވަރަށް ފުރިހަމައަށް މެނޭޖްކޮށްފައިވާކަމަށް ސަރުކާރުގެ ބައެއް ބޭފުޅުން ވިދާޅުވަމުންދާއިރު، ރާއްޖޭގައި ކޯވިޑްގެ ހާލަތު މެނޭޖް ނުކުރެވި އެތައްބަޔަކު ނިޔާވެ، ހާލަތު އިންތިހާއަށް ގޯސްވެގެން ގޮސްފައިވެއެވެ. ބައެއް ހާލަތްތަކުގައި އެމްބިއުލާންސް ނުފޮނުވިގެންނާއި، އޮކްސިޖަން ނުލިބިފަދަ ކަންކަންވެސް ހިނގާފައިވާކަން ފާހަގަކޮށްލެވެއެވެ.
ކޯވިޑް-19 މެނޭޖް ކުރުމުގައި ސަރުކާރު ފެއިލްވެފައިވާކަމަށް ގިނަ ބަޔަކު އޭރު ދިޔައީ ބުނަމުންނެވެ. އިންޑިޔާއިން ރާއްޖެއަށް ގެނައި ކޮވިޝީލް ވެކްސިންގެ ފުރަތަމަ ޑޯޒް ޖެހުމަށްފަހު މުއްދަތު ހަމަވިއިރުވެސް ދެވަނަ ޑޯޒް ނުޖެހި ތިބިމީހުންގެ އަދަދު އިތުރުކަން ފާހަގަކޮށްލަންޖެހެއެވެ.
