ރައީސް ޔާމީންގެ އިސްތަށިފުޅުގައި އެކި ތުހުމަތު އަޅުވައި، ދެއިރުދެދަޅަޔަށް ރައީސް ޔާމީން އެކި ތަންތަނަށް ދަމައިހަދަނީ، އެމަނިކުފާނުގެ މއްޗަށް ކޮށްފައިވާ ޙުކުމް ސުޕްރީމް ކޯޓުން ބާޠިލްކުރާނެކަން ކަށަވަރުވާތީކަމަށް ހޯމް މިނިސްޓްރީގެ ކުރީގެ ސްޓެޓް މިނިސްޓަރ ޝިފާޤް މުފީދު (ހިސްޓޯ) ވިދާޅުވެއްޖެއެވެ.
ހިސްޓޯ މިފަދައިން ވިދާޅުވީ، ރައީސް ޔާމީންގެ ޝަރީއަތްތައް ކޯޓުގައި ފެށުމާއި، ރައީސް އިބްރާހީމް ޞަލިޙް، މަރުގެ މައްސަލަތައް ބެލުމަށް އުފައްދާފައިވާ ކޮމިޝަނަށް ރައީސް ޔާމީން ޙާޒިރުކުރުމަށް އެންގުމާއި ގުޅިގެންނެވެ. ނޫސްވެރިޔާ އަހުމަދު ރިޟުވާނު ޢަބުދުﷲ ގެއްލުވާލި މައްސަލާގައި ކުރީގެ ރައީސް އަބްދުﷲ ޔާމީން އަބްދުލް ޤައްޔޫމް ގެއްލިފައިވާ މީހުންނާއި މަރުތައް ބަލާ ކޮމިޝަނަށް ހާޒިރުވުމަށް ވަނީ އަންގާފައެވެ.
މިކަމާއި ގުޅިގެން ހިސްޓޯ ވިދާޅުވީ، ރައީސް ޔާމީންގެ އިސްތަށިފުޅުގައި އެކި ތުހުމަތު އަޅުވައި، ދެއިރުދެދަޅަޔަށް ރައީސް ޔާމީން އެކި ތަންތަނަށް ދަމައި، "ރޯމަހެއްތެޅޭހެން" ސަރުކާރު މިއުޅެނީ، ސަރުކާރުގެ ނުފޫޒުން އެމަނިކުފާނުގެ މައްޗަށް ކުރުވި ޙުކުމް ސުޕުރީމް ކޯޓުން ބާޠިލުކޮށް ރައީސް ޔާމީން މިނިވަން ކުރާނެކަން ކަށަވަރުވާތީކަމަށެވެ.
ކުރީގެ ރައީސް އަބްދުﷲ ޔާމީން އަބްދުލްޤައްޔޫމްގެ މައްޗަށް އުފުލާފައިވާ ރިޝްވަތު ޤަބޫލުކުރުމާއި މަނީ ލޯންޑްރިންގެ ދަޢުވާއާ ގުޅިގެން އިއްޔެ ވަނީ އަޑުއެހުމެއް ބާއްވާފައެވެ. އަދި ރައީސް ޔާމީން މިހާރު ތަންފީޒްކުރައްވަމުން ގެންދަވާ ފަސް އަހަރު ދުވަހުގެ ޖަލު ހުކުމް ހައިކޯޓުގައި އިސްތިއުނާފުކުރުމަށްފަހު ރައީސް ޔާމިންގެ ފަރާތްޕުޅުން މިހާރުވަނީ އިސްތިއުނާފްކުރުމަށް ސުޕްރީމް ކޯޓަށްވެސް ހުށައަޅާފައެވެ.
