ނެދަލޭންޑް ލީގްގައި ވީވީވީ ވެންލޯގެ މައްޗަށް އެންމެ ފަހުގެ ޗެމްޕިއަން އަޔެކްސް 13-0 ން މޮޅުވެ ލީގުގެ އެންމެ ތަފާތު ބޮޑު ނަތީޖާއަކުން މޮޅުވި ރެކޯޑް ހަދައިފި އެވެ.
އަޔެކްސްގެ 13 ލަނޑުގެ ތެރެއިން ނުވަ ލަނޑު އެ ޓީމުން ކާމިޔާބުކުރީ މެޗުގެ ދެ ވަނަ ހާފުގަ އެވެ.
ވެންލޯގެ ކްރިސްޓިއަން ކުމްއަށް މެޗުގެ 51 ވަނަ މިނެޓްގައި ވަނީ ރަތް ކާޑުގެ ސަބަބުން ދެވަނަ ހާފުގެ ބޮޑުބައެއް ވެންލޯއިން ކުޅުނީ އެއް ކުޅުންތެރިޔަކު މަދުކޮށެވެ. މެޗުގައި އަޔެކްސްގެ ލަސިނާ ޓްރައޯރޭ ވަނީ ފަސް ލަނޑު ޖާހަފަ އެވެ.
ވެންލޯ އޮތީ ފަސް ޕޮއިންޓާއެކު ލީގުގެ 11 ވަނައިގަ އެވެ. އަޔެކްސް އޮތީ 15 ޕޮއިންޓާއެކު އެއް ވަނައިގަ އެވެ.
