އައުޓްސައިޑާސް ފިލްމްސްގެ ނަމުގައި ބޮލީވުޑްގެ ޒުވާން ފިލްމީ ތަރި ތާޕްސީ ޕަންނޫ ޕްރޮޑަކްޝަން ހައުސްއެއް ލޯންޗްކޮށްފި އެވެ.

އިންސްޓަގްރާމްގައި މިކަން އިއުލާން ކުރަމުން ތާޕްސީ ބުނެފައިވަނީ މީ އޭނާގެ ހުވަފެން ހަގީގަތަކަށް ވުންފަދަ ކަމެއްކަމަށެވެ. އަދި މި ޕްރޮޑަކްޝަން ހައުސްގެ މައިގަނޑު ބޭނުމަކީ ދާއިރާއަށް އަލަށް ނިކުންނަން ބޭނުންވާ ފަންނާނުންނަށް އެހީވެދިނުންކަމަށް ތާޕްސީ ވަނީ ބުނެފައެވެ.

 

View this post on Instagram

 

A post shared by Taapsee Pannu (@taapsee)

ޕްރޮޑަކްޝަން ހައުސް ލޯންޗްކުރުމަށްފަހު އޭނާވަނީ އެކުންފުނީގެ ދަށުން ނެރޭ ފުތަމަ ފިލްމުވެސް މިހާރު އިއުލާން ކޮށްފަ އެވެ. އެގޮތުން ޕްރޮޑިއުސަރ ޕްރަންޖަލް ކަންދިޔާ އާއިއެކު އައުޓްސައިޑާސް ފިލްމްސް އިން ގެނެސްދިނުމަށް ތައްޔާރުވަމުންދާ ސައިކޮލޮޖިކަލް ތުރިލާ އަކީ ސްޕެނިޝް ފިލްމު "ޖޫލިއާސް އައިސް"ގެ ހިންދީ ރިމޭކެކެވެ. "ބްލަރ"ގެ ނަމުގައި މިފިލްމު އަންނަ އަހަރު ބެލުންތެރިންނަށް ގެނެސްދޭނެކަން އިއުލާންކޮށް ފިލްމުގެ ފަސްޓް ލުކްވެސް ވަނީ ތާޕްސީ ބެލުންތެރިންނަށް ދައްކާލާފަ އެވެ.

 

View this post on Instagram

 

A post shared by Taapsee Pannu (@taapsee)

ދާދި ފަހުން ތާޕްސީގެ "ހަސީން ދިލްރުބާ" ވަނީ ނެޓްފްލިކްސް އިން ޕްރިމިއަރ ކޮށްފައެވެ. އަދި މިފިލްމަށް އަންނަނީ ރަނގަޅު އާމްދަނީއެއްވެސް ލިބެމުންނެވެ. އޭނާގެ ކުރިއަށް ހުރި މަސައްކަތްތަކަށް ބަލާއިރު "ލޫޓް ލަޕޭޓޭ" "ދޮބާރާ" އަދި 1998 ޖަރުމަނު ފިލްމް "ރަން ލޯލާ ރަން" ގެ ރިމޭކް ވެސް ފާހަގަ ކޮށްލެވެއެވެ.