ރާއްޖޭގެ އެކި ހޮޓެލްތަކުގެ ނަމުގައި "ވަގު" ބުކިންތަކެއް ހައްދައިގެން 248 މީހަކު ރާއްޖެ އެތެރެވާން އުޅެނިކޮށް ހިފަހައްޓައިފިއެވެ.
އިމިގްރޭޝަންގެ ކޮންޓްރޯލާ މުހައްމަދު ހަނަފީ މިއަދު ކުރެއްވި ޓްވީޓެއްގައި ވިދާޅުވީ އެ މީހުން އެތެރެވާން އުޅުނީ އިއްޔެގެ ވަގުތެއްގައި ކަމަށެވެ. އެހެންނަމަވެސް އެ މީހުންނަށް ރާއްޖެ އެތެރެވުމުގެ ކުރިން އެކަން އިމިގްރޭޝަންގެ "ހުށިޔާރު" އޮފިސަރުން އެމީހުން ހިފަހައްޓާފައިވާ ކަމަށެވެ. ހަނަފީ ވިދާޅުވީ މިއީ އިމިގްރޭޝަން އޮފިސަރުންގެ ހުށިޔާރު ކަމާއިއެކު ކާމިޔާބުވި ކަމެއްކަމަށެވެ. އަދި އިމިގްރޭޝަނުން ތިބޭނީ ރާއްޖޭގެ ބޯޑަރުގެ ރައްކާތެރިކަން ކަށަވަރު ކުރުމަށް އަބަދުވެސް ތައްޔާރަށް ކަމުގައި އޭނާ ވިދާޅުވިއެވެ.
Maldives Immigration denied the entry of 248 passengers yesterday, as they held false hotel bookings & attempted to enter. Thanks to vigilant officers for identifying the fraud.
I take this opportunity to assure that we will remain firm to safeguard the borders of the Maldives.— Mohamed (Hanafy) ?? (@hanafymv) July 16, 2021
އެ މީހުން ހިފެހެއްޓި ނަމަވެސް މިހާރު އެމީހުން ތިބީ ފުލުހުންގެ ބެލުމުގެ ދަށުގައި ކަމެއް ނުވަތަ ނޫން ކަމެއް އަދި ނޭނގެއެވެ. އަދި ރާއްޖެ އެތެރެވާން މަސައްކަތް ކުރި މީހުންނަކީ ކޮންކޮން ގައުމުތަކެއްގެ ބަޔަކު ކަމެއްވެސް ހަނަފީ ހާމައެއް ނުކުރެއެވެ.
މައުލޫމާތު ލިބިފައިވާ ގޮތުގައި ވަގު ބުކިންގައި އެތެރެވާން މަސައްކަތް ކުރި އެންމެން ވަނީ ރޭ ދަންވަރުގެ ފްލައިޓަކުން އެބުރި ފޮނުވާލާފައެވެ.
ކޮމެންޓު ފޮނުވާ