އައްޑޫ ސިޓީ ހިދަތޫ 40 އަށްވުރެ ގިނަ ބަންޑާރަގޯތި ނެގުމަށް ކައުންސިލް ނިންމައިފިއެވެ.
އައްޑޫ ސިޓީ ކައުންސިލުން ބޭއްވި ބައްދަލުވުމުގައި ވަނީ އައްޑޫ އެކިއުޓޯރިއަލް ހޮސްޕިޓަލް ސަރަހައްދުން ބައެއް ގޯތިތައް އެހެން ސަރަހައްދަކަށް ބަދަލު ކުރުމަށް ފާސްކޮށްފައެވެ.
އައްޑޫ ސިޓީ ކައުންސިލުން ބުނެފައިވަނީ އައްޑޫ އެކިއުޓޯރިއަލް ހޮސްޕިޓަލް ހިމެނޭ ސަރަހައްދަކީ، އައްޑޫގެ އިގްތިސާދީ ކަންކަމާއި އަދި އިޖުތިމާޢީ ކަންކަމާއި ގުޅުންހުރި ކަންކަން މުސްތަގްބަލުގައި ފުޅާ ދާއިރާއެއްގައި ހިނގާނެ ކަމަށް ބެލެވޭ ސަރަހައްދެއް ކަމުގައި ވާތީއާއި، މި ސަރަހައްދު ގުޅިފައިވަނީ އައްޑޫގެ އެންމެހާ ރައްޔިތުންގެ މަސްލަހަތާއި ކަމުގައި ވާތީ އާއި، އައްޑޫ ރައްޔިތުންގެ މަސްލަހަތާ ގުޅިފައިވާ މި ސަރަހައްދުގައި އާއްމުވެގެންވާ މަންފާއަކަށް ބިން އެލޮކޭޓްކުރެވިފައި ނުވާތީއާއި، މި ސަރަހައްދު ތަރައްޤީކުރެވޭ އިރު ހޮސްޕިޓަލްގެ ބޭނުމަށާއި އާއްމު އެހެން ބޭނުންތަކަށް އިތުރަށް މި ސަރަހައްދުން ބިން ބޭނުންވާކަން ފާހަގަކުރެވިފައިވާތީ، މި ސަރަހައްދުގައި ހުރި ބައެއް ބަންޑާރަ ބިންތައް ހިތަދޫގެ ބިން ރަނގަޅު އެހެން ސަރަހައްދަކަށް ޤާނޫނުގައިވާ ގޮތުގެމަތިން ބަދަލުކުރުމަށް ކައުންސިލުން ނިންމާފައިވާކަމަށެވެ.
މިގޮތަށް ކައުންސިލުން ނިންމެވުމާއި ގުޅިގެން، ހުސްކުރެވޭ ބްލޮކްތަކުގައި ދިރިއުޅުމަށް ދޫކޮށްފައި ހުރި ގޯތިތަކުގެ ބަދަލުގައި ދެވޭ ގޯތިތައް ވަގުތުން އެގޯތީގެ ވެރިފަރާތާއި ހަވާލުކުރެވޭނެކަމަށް ކައުންސިލުން ވަނީ ބުނެފައެވެ. އަދި މިކަމާއި ގުޅިގެން ކައުންސިލުން ކުރަންޖެހޭ އިދާރީ މަސައްކަތް މިހާރު ކައުންސިލުން ކުރަމުން ދާކަމަށް ވަޏީ ބުނެފައެވެ.
އައްޑޫ ސިޓީ ކައުންސިލުން މިފަދަ ނިންމެއް ނިންމަފައިވާއިރު އެސަރަހައްދުގައި ހިމެނޭ މޭޔަރު ނިޒާރުގެ ގެ އެހެން ސަރަހައްދަކަށް ބަދަލު ކުރުމަށް ނިންމާފައި ނުވެއެވެ. މިކަމައި ބައެއް ފަރާތްތަކުން ދަނީ ކަންބޮޑުވުން ފާޅު ކުރަމުންނެވެ.
