ރިތިކް ރޯޝަނާއި ދީޕިކާ ޕަޑުކޯން އެކުގައި ފެނިގެންދާ ފުރަތަމަ ފިލްމަށް ތައްޔާރުވެފައި ވާކަން ރިތިކް އިއުލާން ކޮށްފިއެވެ.
ގިނަ ބަޔަކު ސްކްރީނުން ބަލާލަން ބޭނުންވެފައިތިބި މި ޖޯޑުގެ އަލަތު ފިލްމް "ފައިޓާ"އަށް ރެޑީވެފައިވާކަން ހާމަކުރަމުން ރިތިކް ވަނީ އިންސްޓަގްރާމްގައި ފޮޓޯތަކެއް ހިއްސާކޮށްފަ އެވެ.
ހުކުރު ދުވަހު ރިތިކް ޕޯސްޓްކޮށްފައިވާ މި ފޮޓޯތަކުގައި ދީޕިކާގެ އިތުރުން ފިލްމް ގެ ޑައިރެކްޓަރު ސިދާތު އާނަންދު ވެސް ފެނިގެންދެ އެވެ. ފިލްމުގެ މަޝްވަރާތަށް ނިންމައި މިހާރު އޮތީ ޝޫޓިންގ މަރުހަލާގައި ކަަމަށް ރިތިކް ބުނެފައިވެއެވެ.
View this post on Instagram
"ފައިޓާ" އަކީ ބޮލީވުޑްގެ ފުރަތަމަ އޭރިއަލް އެކްޝަން ތުރިލާ އެވެ. މި ފިލްމްގެ ވާހަކަ ބިނާކޮށްފައި ވަނީ އިންޑިއާގެ ވައިގެ އަސްކަރީ އޮފިސަރުންގެ ގައުމީ ހިދުމަތަށެވެ. އެހެންވެ ފައިޓަރޖެޓްގެ ވަރަށް ގިނަ ހާދިސާތަކެއް މިފިލްމުން ފެނިގެންދާނެއެވެ.
މި ފިލްމް ސިނަމާތަކަށް ގެނައުމަށް ތާވަލް ކޮށްފައިވަނީ 30 ސެޕްޓެމްބަރު 2022 އަށެވެ. ތާވަލާއި އެއްގޮތަށް ފިލްމް އަޅުވާ ކަމުގައިވަނީނަމަ ރިތިކް ގެ ދެފިލްމް ފުށޫއަރާނެ އެވެ. އެއީ "ވިކްރަމް ވެދާ"ގެ ރިމޭކް ވެސް ރިލީޒް ކުރުމަށް ހަމަޖެހިފައިވަނީ ހަމަ މި ތާރީހުގައެވެ. މި ފިލްމުން ރިތިކް އާއި އެކުގައި ފެނިގެން ދާނީ ސައިފް އަލީ ޚާނެވެ.
