ރަޝިއާގެ AN-26 މަރުކާގެ، 28 މީހުންނާއެކު ދަތުރު ކުރަމުންދިޔަ، މަތިންދާ ބޯޓެއް ރަޝިއާގެ ކަމަޗުކާ ޕެނިންސޫލާގެ އެންމެ އިރުން ދަތުރު ކުރަމުން ދަނިކޮށް ގެއްލިފައިވާ ކަމަށް، ރަޝިއާގެ ރީޖަނަލް އޮތޯރިޓީތަކާ ހަވާކާދީ ބައެއް މީޑިއާތަކުން ރިޕޯޓު ކޮށްފިއެވެ.
ލޯކަލް އޮފިޝަލުންނާ ހަވަލާދީ، އިންޓަރފެކްސް އޭޖެންސީން ރިޕޯޓު ކޮށްފައިވާ ގޮތުގައި، މި ބޯޓުން ޝެޑިއުލް ކުރެވިފައިވާ ގޮތަށް ގުޅެމުން ނުދާކަން އެގުނުއިރު، ބޯޓު ދަތުރު ކުރަމުން ގޮސްފައިވަނީ، ޕެޓްރޯޕަވްލޮސްކް-ކަމްޗަސްކީ އިން ކަމަޗަކާ ޕެނިންސޫލާގެ ޕަލާނާ ސަރަހައްދަށެވެ.
ޓާސް ނިއުސް އޭޖެންސީން ފަހުން ރިޕޮޓު ކޮށްފައިވާ ގޮތުގައި، މި ބޯޓާއި އެއަ ޓްރެފިކް ކޮންޓްރޯލާއި ގުޅުން ކެނޑިފައިވަނީ، ބޯޓު އެއަރޕޯޓަށް ޖައްސަން އުޅެނިކޮށެވެ.
މި ބޯޓަށް ވެގެން އުޅޭ ގޮތަކާއި ގުޅޭގޮތުން އެކި މީޑިއާތަކަށް ލިބިފައިވަނީ ފުށުއެރުން ހުރި މައުލޫމާތުތަކެވެ. ބައެއް ފަރާތްތަކާއި ހަވާލާ ދީ ޓާސް ނުސް އޭޖެންސީން ރިޕޯޓު ކޮށްފައިވަނީ، މި ބޮޓު ކަޑަށް ވެއްޓިފައިވާ ކަމަށް ބެލެވޭ ކަމަށެވެ. އަދ އަނެއްބައި ފަރާތްތަކާ ހަވާލާދީ އިންޓަރފެކްސް ނޫސް އޭޖެންސީން ރިޕޮޓު ކޮށްފައިވާ ގޮތުގައި މި ބޯޓު ވެއްޓިފައިވާ ކަމަށް ބެލެވެނީ، ޕަލާނާ ޓައުންގެ ކައިރީގައިވާ ކޯލް މައިނެއްގެ ކައިރިއަށެވެ.
ރިޕޯރޓުތައް ބުނާގޮތުގައި، މި ބޯޓު ހޯދުމުގެ މަސައްކަތް މިހާރު ފެށިފައިވާއިރު، ދެ ހެލިކޮޕްޓަރާއި އަދި މިހުން ސަލާމަތް ކުރާ ފަރާތްތައް ތިބީ ތައްޔާީ ހާލަތަކަށް ގެނެވިފައެވެ.
މަތިންދާ ބޮޓުގެ އެކްސިޑެންތައް ވަރަށް ގިނައިން ކުރިން ހިގާ ގައުމެއް ކަމުގައިވާ ރަޝިއާގައި ފަހަކަށް އައިސް އެއަރ ޓްރެފިކް ސޭފްޓީގެ ހާލަތުވަނީ ވަރަށް ބޮޑުތަކުން ރަގަޅު ކޮށްފައެވެ.
އެހެންނަމަވެސް، ރަޝިއާގައި ބޭނުން ކުރަމުން އަންނަ މަތިންދާ ބޯޓުތަކުގެ އެއަރކްރާފްޓް މެއިންޓެނެސްގެ ފެންވަރު ދަށްވުމުގެ ސަބަބުން، ފަހަކަށް އައިސް ރަޝިއާގައި ގިނަ އެކްސިޑެންޓްތަކެއް ހިގާފައި ވެއެވެ.
މިގޮތުން ރަޝިއާގައި އެންމެ ފަހުން ވައިގެ ނުރައްކާތެރި ބޮޑު ހާދިސާއެއް ހިގާފައިވަނީ 2019 ވަނަ އަހަރުގެ މޭމަހުއެވެ. އެފަހަރު، ރަޝިއާގެ ސަރުކާރު އެއަރލައިނެއް ކަމުގައިވާ އޭރޯފްލޮޓްގެ ބޯޓެއް ކަމުގައިވާ ސުކހޯއި ސުޕަރޖެޓެއްގައި ރަންވޭ މަތީގައި ރޯވެ، އެހާދިސާގައި 41 މީހަކު މަރުވެފައި ވެއެވެ.
