25 ފަޅުވެރިންނާއި އެކު ދަތުުރުކުރަމުން ދިޔަ އައްޑު އަތޮޅު މަސްދޯންޏެއް ބިންގައިގެން ހިނގައްޖެއެވެ.
މަޢުލޫމާތުލިބިފައިވާ ގޮތުގައި މިހާދިސާ ހިގާފައިވަނީ، އެންދަމަން އުޅެނިކޮށް ގއ. އަތޮޅު ގެމަނަފުއްޓާ ދިމާލަށް އޮންނަ ފަޅުރަށެއް ކަމުހައިވާ ހަނޑަހަ ކައިރީގައި ދޯނި އޮއްވައެވެ. މިހާދިސާ ހިގިއިރު ދޯނީގައި 25 ފަޅުވެރިއަކު ތިބިކަމަށްވެސް މައުލޫމާތު ލިބިފައި ވެއެވެ. ބިންދައިގެން ގޮސްފައިވަނީ އައްޑޫ މޯހިރު ނަމަކަށް ކިޔާ މަސް ދޯންޏެވެ.
އަދި ހާދިސާ ހިގި ޚަބަރު އާންމު ވެގެންދިއުމާއެކު، މި ދޯންނާއި ކައިރި ހިސާބުތަކުގައި ދުއްވަމުންދިޔަ ބައެއް މަސްދޯނިތަކުން މިދޯންޏަށް އެހީތެރިކަން ފޯރުކޮށްދިނުމަށް މިސަރަހައްދަށް ވަނީ ދަތުރު ކޮށްފައެވެ. އަދި އޭގެ އިތުރުން މި ދޯންޏަށް އެހީތެރިކަން ފޯރުކޮށް ދެވޭ ހިސާބުގައި އޮތް މިފްކޯގެ މަސްކިރާ ބޯޓެއްވެސް ދޯންނަ އެހީތެރިކަން ފޯރުކޮށް ދިނުމަށް މިސަރަހައްދަށް ވަނީ ދަތުރު ކޮށްފައެވެ.
އެމްއެންޑީއެފުން ދާދި ދެންމެއަކު ޓުވީޓު ކޮށްފައިވާ ގޮތުގައި، ގއ. ދެއްވަދޫގެ އުތުރުން 8.95 ނޯޓިކަލް މޭލު ދުރުން، 25 މީހަކާއެކު ދަތުރުކުރަމުން ދިޔަ މަސްދޯނި ބިންދައިގެން ދިއުމުގެ ސަބަބުން އެސަރަހައްދުގައި މިހާރު ހަރަކާތްތެރި ވަމުން ދާކަމުގައެވެ. އެމްޑީއެފުން ބުނެފައި ވަނީ މި ދޯނި ބިންދައިގެން ގޮސްފައިވަނީ މޫސުން ގޯސްވުމުގެ ސަބަބުން ކަމުގައެވެ. އަދި މި ހާދިސާގެ މައުލޫމާތު ލިބިފައިވަނީ ހެނދުނު 07:11ގައި ކަމަށްވެސް އެމްއެންޑިއެފުން ބުނެފައި ވެއެވެ.
ފާއިތުވެދިޔަ މަހުގެ 7 ވަނަ ދުވަހު މިދީން ގއ. އަތޮޅުގެ އެތެރެވަރީގައި އެންދަމަން އުޅޭނިކޮށް، ދޯނިން މޫދަށް ފޭބި ކީހަކު މޫދުގައި މަރުވެފައި ވެއެވެ.
