މި ހަފްތާގެ ހޮނިހިރު ދުވަހުގެ ނިޔަލަށް އެމެރިކާގައި ކޯވިޑް19ގެ 322,123,103 ވެކްސިން ޑޯޒް މިހާތަނަށް ދީފައިވާ ކަމަކަމަށާއި، އަދި ޖުމްލަ 381,276,030 ޑޯޒްގެ ވެކްސިން އެކި ސަރަހައްދުތަކަށް ފޯރު ކޮށްދެވިފައިވާ ކަމަށް، ޔޫއެސް ސެންޓަރ ފޯރ ޑިސީސް ކޮންޓްރޯލް އެންޑް ޕްރިވެންޝަން (CDC)އިން ހާމަ ކޮށްފިއެވެ.
މިއީ، މިމަހުގެ 21 ވަނަ ދުވަހުގެ ނިޔަލަށް ދީފައިވާކަމަށް ސީޑީސީން ކުރިން ހާމަ ކޮށްފައިވާ އަދަދު ކަމުގައިވާ 321,199,379 އަށްވުރެ މަތީ އަދަދެކެވެ. އަދި އެކި ހިސާބުތަކަށް، މިމަހުގެ 25ގެ ނިޔަލަށް ފޯރުކޮށް ދެވިފައިވާކަމަށް ކުރިން ހާމަ ކޮށްފައިވާ 380,222,670 ޑޯޒްގެ ވެކްސިނަށްވުރެ އިތުރު އަދަދެކެވެ.
އެމެރިކާގެ ސީޑީސީން ނެރެފައިވާ ތަފާސް ހިސާބުތަކުގެ ތެރޭގައި ހިމެނެނީ އެގައުމުގައި ދީފައިވާ، މޮޑާނާ، ފައިޒަރ/ބައޯއެންޓެކް ކޯވިޑް ވެކްސިނާއި އަދި އެއް ޑޯޒްގެ ވެކްސިނެއް ކަމުގައިވާ ޖޯންސަން އެންޑް ޖޯންސަން ވެކްސިން މިހާތަނަށް ދެވިފައިވާ އަދަދުތަކެވެ.
