އިންޓަމިލާނުން ދަނޑުމަތީ ދޭންޖެހޭ ސަމާލުކަން އިތުރުކުރަން ޖެހޭކަމަށް އެޓީމުގެ ކޯޗު އެންޓޯނިޔޯ ކޮންޓޭ ބުނެފިއެވެ.
ޗެމްޕިއަންސް ލީގުގައި ޖަރުމަނުގެ މޮންހަލްބަޗްއާ ވާދަކޮށް އެއްވަރުވި މެޗަށްފަހު ވާހަކަދައްކަމުން ކޮންޓޭ ބުނީ ކޮންމެ ހާލަތެއްގައި ނަމަވެސް އިންޓަމިލާނުގެ އުންމީދުތައް މަތި ކަމަށެވެ.
އޭނާ ބުނީ މެޗުގައި އިންޓަމީލުން ކުޅުންތެރިން ވަރަށް ރަނގަޅަށް ކުޅެފިކަމަށާއި އިދުކޮޅުޓީމަކީ ފެންވަރުހުރި ވަރުގަދަ ޓީމެއް ނަމަވެސް އިންޓަމިލާނުން ދޫދިނުމެއް ނެތި ފަހުވަގުތާ ހަމަޔަށް ކުރި މަސައްކަތް ރަނގަޅު ކަމަށެވެ. އަނިޔާ އާއި ކޯވިޑް19 ގެ ވައިރަސްގެ ސަބަބުން އެޓީމަށް މި މެޗަށް ފުރިހަމަ ޓީމެއް އެކުލަވާލަން ދަތިވިކަމަށް ކޮންޓޭ ވަނީ ފާހަގަކޮށްފައެވެ.
ކުޅުންތެރިކުރި ހިއްވަރާ ކުރި މަސައްކަތް ރަނގަޅު. ހާލަތު އޮތީކީ އަހަރެމެން އެންމެ ބޭނުންވި ގޮތަކަށް ނޫން.
– ކޮންޓޭ
މިހަފްތާ ބަންދުގައި ލީގުގައި އިންޓަމިލާނު ނުކުންނާނީ ރަށުން ބޭރުގައި ޖެނޯވާ ދެކޮޅަށެވެ.
