ޔޫރަޕަ ލީގުގައި ރޭ އޮސްޓްރިޔާގެ ލެސްކް ވާދަކޮށް އިނގިރޭސި ކުލަބް ޓޮޓަނަމުން 3-0 މޮޅުވެ އުންމީދީ ފެށުމަކާއެކު މުބާރާތް ފަށައިފިއެވެ.
ލަންޑަނުގައި ކުޅުނު މެޗުގެ ދެ ލަނޑުވެސް ފެނިގެން ދިޔައީ ފުރަތަމަ ހާފްގައިއެވެ. ރޭގައި ޓޮޓްނަމް ޖާޒީގައި އަލަށް ކުޅުނު ބްރެޒިލްގެ ކާލޯސް ވިނިޝިޔަސް ދިން ބޯޅައިކުން ލޫކަސް މޯރާ އެޓީމަށް ފުރަތަމަ ލަނޑު ކާމިޔާބުކޮއްދިން އިރު ދެވަނަ ލަނޑަކީ ލަސެކްގެ ކުޅުންތެރިން އަތުން ބައިކޮޅަށް ވަތްލަނޑެކެވެ.
މެޗުގެ ޓޮޓްނަމުން ޖެހި ތިންވަނަ ލަނޑުކާމިޔާބު ކުރީ ދެވަނަހާފްގައި ކުޅެން އެރި ދެކުނު ކޮރެޔާގެ ސޮންއެވެ. ޔޫރަޕާ ލީގުގައި އެންމެފަހުން އަމިއްލަ ދަނޑުގައި އެންމެފަހުން ކުޅުނު 12 މެޗުގެ ތެރެއިން ޓޮޓްނަމުން ވަނީ 11 މެޗުން މޮޅުވެފައެވެ. ޓޮޓްނަމުން ވަނީ މި ސީޒަނުގައި މިހާތަނަށް ކުޅުނު ހުރިހާ މުބާރާތެއްގައި 31 ލަނޑު ކާމިޔާބުކޮއްފައެވެ.
ޔޫރަޕާ ލީގުގައި އެންމެފަހުން ކުޅުނު އަށްމެޗުން ވެސް ލަސަކް ވަނީ ބަލިވެފައެވެ. މުބާރާތުގައި އެންމެ ފަހުން އިނގިރޭސީ ކުލަބަތަކާ ދެކޮޅަށް ނުކުތް 18 ފަހަރު ވެސް ލަސަކް ވަނީ ކުރި ނުހޯދިފައެވެ. މި ގުރޫޕްގައި ރޭ ލުޑްގުރަޓަސް އާއި ބެލްޖިއަމްގެ ރޯޔަލް އެންޓްވާޕް އެފްސީ ވާދަކުރި މެޗު 2-1 ލަނޑުން ކާމިޔާބުކުރީ ރޯޔަލް އެންޓްވާޕް އިންނެވެ.
