އެއާރ ޓްރެފިކްގެ ކޮންޓްރޯލް ބޭރު ބަޔަކަށް ނުދޭނެކަމަށް އިކޮނޮމިކް މިނިސްޓަރ ފައްޔާޟް އިސްމާޢީލް ވިދާޅުވިނަމަވެސް، އެތަން ބޭރުގެ ބަޔަކަށް ދެވޭނެކަން ސަރުކާރުން ގެނައި އިޞްލާހުން ހާމަވެއްޖެއެވެ. އެކަން ކުރީގެ އިކޮނޮމިކް މިނިސްޓަރ މުޙައްމަދު ސަޢީދުވެސް ވަނީ ހާމަކޮށްދެއްވާފައެވެ.
މިގޮތުން ރާއްޖޭގެ އެއަރޕޯޓްތަކުގެ އެއަރ ޓްރެފިކް ކޮންޓްރޯލާއެކު އެއަރޕޯޓްތަކުގެ 100 އިންސައްތަ ހިއްސާ ބޭރު ފަރާތްތަކަށް ދެވޭގޮތަށް ސަރުކާރުން ގެނައި އިޞްލާހަށް ވަނީ ބޮޑު ފާޑުކިޔުމެއް އަމާޒުވެފައެވެ. ސަރުކާރުން ގެޒެޓުކުރި އިސްލާހުގައި ބުނެފައިވަނީ، ފްރެއިޓް ސާވިސް ނުހިމެނޭހެން ރާއްޖޭގައި އެއާ ޓްރާންސްޕޯޓުގެ ހިދުމަތްތައް ދިނުމަށް ބޭރުގެ %100 ހިއްސާ އޮންނަ ކުންފުނިތަކަށް ރާއްޖޭގައި އިންވެސްޓު ކުރެވޭނެކަމަށެވެ. އަދި އެއާޕޯޓު ހިންގުމާއި އޮޕަރޭޓު ކުރުން (ޓާމިނަލް ފެސިލިޓީސް ހިމެނޭހެން)، އެއާޕޯޓު އަދި އެއާޓްރެފިކް ކޮންޓްރޯލު މަސައްކަތް އަދި ގްރައުންޑް ސާވިސް ހިދުމަތް ދިނުމަށްވެސް%100 ބޭރުގެ ހިއްސާ އޮންނަ ކުންފުނިތަކަށް ރާއްޖޭގައި އިންވެސްޓު ކުރެވޭނެ ކަމަށްވެސް އިސްލާހުގައިވެއެވެ.
ސަރުކާރުން ގެނައި އިޞްލާހުގައި އެއާރ ޓްރެފިކްގެ ކޮންޓްރޯލްވެސް ބޭރުބަޔަކަށް ދެވޭނެކަން އެނގެން އެބައޮތްކަން ކުރީ ސަރުކާރުގެ އިކޮނޮމިކް މިނިސްޓަރ އަދި މިހާރު މާވަށު ދާއިރާގެ މެންބަރު މުޙައްމަދު ސަޢީދު ވަނީ ހާމަކޮށްދީފައެވެ.
Mi Sarukaarun Raajjeyge Air Traffic manage kurumuge hu’dha beyruge faraaiythakah nudheykamakah nubuneveyne. pic.twitter.com/0mQkxikJ6b
— Mohamed Saeed (@em_saeed) June 14, 2021
ސަޢީދު ވިދާޅުވީ، ޤައުމުގެ ވައިގެ ބަނދަރުތަކުގެ އިތުރަށް ވައިގެ ސަރަހައްދުވެސް ވިއްކާލަނީކަމަށެވެ. މިއީ ޤައުމީ ސަލާމަތަށް ނުރައްކަށް ނުވާނެތޯ ސަޢީދު ސުވާލުކުރެއްވިއެވެ. ނޫނީ ރައީސްގެ މަޖުބޫރު ހާލަތެއް ކުރިމަތިވެ ރައްޔިތުންނަށް އެނގޭނެ ހާލަތެއްވެސް ނެތީތޯ ސަޢީދު ސުވާލުކުރެއްވިއެވެ.
ނަމަވެސް މިހާރުގެ އިކޮނޮމިކް މިނިސްޓަރ ފައްޔާޒް އިސްމާޢީލް ވިދާޅުވީ، ފޮރިން ޑައިރެކްޓް އިންވެސްޓްމެންޓު ޕޮލިސީއަށް ސަރުކާރުން ގެނެސްފައިވާ އިސްލާހުގެ ދަށުން އެއަރޕޯޓެއްގެ އެއާރ ޓްރެފިކްގެ ކޮންޓްރޯލް ބޭރު ބަޔަކަށް ނުދޭނެކަމަށެވެ.
Recent amendment to Foreign Direct Investment does not allow operation of air traffic by a private investor whether foreign or local. In any airport in the Maldives this will be conducted by the State. To remove any misunderstanding will be changing the wording to reflect clearly
— Fayyaz Ismail (@faya_i) June 14, 2021
ރާއްޖޭގެ ވައިގެ ބަނދަރުތައް %100ބޭރުގެ ކުންފުނިތަކުން ހިނގޭ ގޮތައް ސަރުކާރުން ނިންމާފައިވާއިރު، ހަނިމާދޫ އެއަރޕޯޓް އިންޑިއާއަށް ހިންގުމަށް ދިނުމަށް ނިންމާފައިވާކަމަށް އަޑުފެތުރިފައިވެއެވެ.
ކޮމެންޓު ފޮނުވާ