އާލިޔާ ބަޓް އަދި ރަންބީރް ކަޕޫރް އެކުގައި ނުފެންނަ ތާ ދުވަސްކޮޅެއް ވެއްޖެ އެވެ. އެހެންނަމަ ވެސް މި ދެފަންނާނުންގެ މަންމައިން އެކުގައި ވަނީ ފެނިފައެވެ.
ހުކުރު ދުވަހު ރަންބީރްގެ މަންމަ ނީތޫ ކަޕޫރް ވަނީ އޭނާގެ އެކުވެރިންނާއި އެކުގައި ނަގާފައިވާ ފޮޓޯއެއް އިންސްޓަގްރާމް ސްޓޯރީގައި ހިއްސާ ކޮށްފައެވެ. އަދި މި ފޮޓޯގައި އާލިޔާގެ މަންމަ ސޯނީ ރަޒަދާން ވެސް ހުއްޓެވެ.
މި ފޮޓޯއިން ފެނިގެން ދަނީ ސޯނީ އަދި ނީތޫގެ އިތުރުން އަނޫ ރަންޖަން އާއި އަދިވެސް އިތުރު ފަރާތަކާއި އެކުގައި ސެލްފީއެއް ނަގާތަނެވެ. ސޯނީ އަދި ނީތޫ އަކީ ގާތް ދެރަހުމަތްތެރިންނެވެ. އަދި ވަރަށް ގިނައިން އެކަކު އަނެކަކުގެ ޕޯސްޓުތަކަށް ކޮމެންޓު ކުރާތަން ފެނިގެންދެއެވެ.
View this post on Instagram
ރަންބީރާއި އާލިޔާ އެންމެ ފަހުން އެކުގައި ފެނިގެން ދިޔައީ މުމްބާއީ އެއާޕޯޓުންނެވެ. މިއީ މި ދެމީހުން އެކުގައި ރާއްޖޭގައި ޗުއްޓީ ހޭދަކުރުމަށް ފަހު އެނބުރި މުމްބާއީއަށް ދިޔައިރު ނަގާފައިވާ ފޮޓޯއެކެވެ. ރަންބީރާއި އާލިޔާ އެކުގައި އުޅޭތާ މިހާރު 3 އަހަރު ވެދާނެއެވެ.
