ޗެމްޕިއަންސް ލީގު ފުޓްބޯޅަ މުބާރާތުގައި ނެދަލޭންޑްގެ އަޔެކްސް އާއި ދެކޮޅަށް ކުޅެ އިޔެކްސްއިން ބައިކޮޅަށް ޖެހިލަނޑާއެކު ލިވަޕޫލް ސަލާމަތް ވެއްޖެއެވެ.
އަޔެކްސްގެ ޔޯހަން ކްރައިފް އެރީނާގައި ކުޅުނު މެޗު ލިވާޕޫލްއިން ކާމިޔާބު ކުރީ 1-0 ލަނޑުންނެވެ. މެޗަށް ނުކުތްއިރު ވެސް އަނިޔާގެ ހިޔަނި އެޅިފަވާ ލިވަޕޫލްއިން ޖެހި ހަމައެކަނި ލަނޑަކީ ފުރަތަމަހާފްގައި އެޔެކްސްގެ ނިކޮލަސް ޓަގްލިއަފިކޯ އަތުން ބައިކޮޅަށް ވަތްލަނޑެކެވެ. މެޗުގައި ލިވަޕޫލްގެ ފަހަތްބެލެހެއްޓި މިޑްފީލްޑަރ ފަބީނިއޯ ވަނީ މޮޅު ކުޅުމެއް ދައްކާފައެވެ. ލިވަޕޫލުން ވަނީ ނެދެލޭންޑްސްގެ ޓީމަކާ އެންމެފަހުން ކުޅުނު ހަތްމެޗު ވެސް ކާމިޔާބުކޮއްފައެވެ.
މުބާރާތުގެއި މިގުރޫޕްގައި އިޓަލީގެ އެޓްލާންޓާއާއި ޑެންމާކްގެ މިޓްޔައެލަންޑް ވާދަކުރި މެޗު 4-0 ލަނޑުން ކާމިޔާބުކުރީ އެޓްލާންޓާއިންނެވެ. ޑެންމާކުގައި ކުޅުނުމެޗުގެ ފުރަތަމަ ހާފްގައި އެޓްލާންޓާއިން ވަނީ 3 ލަނޑުޖަހާފައެވެ. މިލަނޑުތައް އެޓީމާށް ކާމިޔާބު ކޮއްދިނީ ޑުވާން ޒަޕާޓާ، ޕަޕޫ ގޯމްޒްގެ އިތުރުން ލުއިސް މުރިއެލްއެވެ. މެޗުގެ އެޓްލާންޓާގެ ފަހު ލަނޑު ކާމިޔާބުކުރީ މެޗު ނިމެން ދެމިނެޓަށް ވެފައިވަނިކޮށް އަލްރަންޗެކްއެވެ.
މިމޮޅާއެކު ގުރޫޕްގެ އެއްވަނައިގަ އޮތީ އެޓްލާންޓާ ދެވަނަ ލިވަޕޫލްއަށް ލިބޭއިރު އަޔެކްސް އާއި މިޓްޔަލަންޑްކަށް ޕޮއިންޓެއް ލިބިފައެއް ނުވެއެވެ.
