މިއަހަރުގެ ފިޠުރު ޢީދު ދުވަހަކީ ބުރާސްފަތި ދުވަސްކަމަށް ރާއްޖެއިން ކަނޑައަޅައިފިއެވެ.
ޝައްކާވލުމަހުގެ ހަނދާއި ގުޅޭގޮތުން ރާއްޖެއިން ނިންމެވި ގޮތާއި ގުޅޭ ބަޔާން އއްވަވަމުން އިސްލާމިކް މިނިސްޓަރ ޑރ.އަޙްމަދު ޒާހިރު ޢަލީ ވިދާޅުވީ، ރާއްޖޭގެ އެއްވެސް ރަށަކަށް މިއަދު އިރުއޮއްސުނު ފަހުން ހަނދު ފެނިފައި ނުވާތީ އާއި، އިތުރުބާރުކުރެވޭ ފަލަކީ ހިސާބަށް ބަލާއިރުވެސް މިއަދު އިރުއޮއްސޭ ފަހުން ރާއްޖެއަށާއި، އިސްލާމީ އެއްވެސް ގައުމަކަށް ވެސް ހަނދުން ފެންނާނެ ކަމަކަށް ނުދައްކާކަމަށެވެ.
އެހެންކަމުން ރަމަޟާން މަހާ ޝައްވާލް މަހުގެ ހަނދު ސާބިތުކުރުމަށް، ރާއްޖޭގައި އަމަލުކުރުމަށް ހަމަޖެހިފައިވާ އުސޫލުގެ މަތިން މާދަމާ އަކީ، ރަމަޟާން މަހުގެ 30 ވަނަ ދުވަސް ކަމުގައި ކަނޑައަޅާ ކަމަށް ވިދާޅުވިއެވެ. އަދި މި ހިނގާ މެއި މަހުގެ 13 ވާ ބުރާސްފަތި ދުވަހަކީ، 1442 ވަނަ އަހަރުގެ ފިތުރު އީދު ދުވަސްކަމުގައިވެސް ކަނޑައަޅާކަމަށް ބަޔާނުގައި ވިދާޅުވިއެވެ.
ރާއްޖޭގައި ޢާއްމުކޮށް އޮންނަ އުސޫލަކީ އިސްލާމީ ބޮޑެތި ޤައުމުތަކަށް ހަނދު ފެންނަކަމަށް އެޤައުމުތަކުގެ ފަލަކީ އިދާރާތަކުން ޢިއުލާންކުރުމުން ރާއްޖޭގެ މޫސުން އެދުވަހެއްގައި އޮތް ގޮތަކަށްވެސް ރިޢާޔަތްކޮށް ހަނދު ސާބިތުކުރުމެވެ.
