މިހާތަނަށް ފިތުރު ޒަކަތް ދެއްކި މީހުންގެ ޢަދަދު ކުރީ އަހަރުތަކާއި އަޅަބަލާއިރު މަދުކަމަށް އިސްލާމިކް މިނިސްޓަރ ޑރ.އަޙްމަދު ޒާހިރު ޢަލީ ވިދާޅުވެއްޖެއެވެ.
ރޯދަމަހުގެ ފުރަތަމަ ދުވަހުން ފެށިގެން ޒަކާތް ބަލައިގަންނަންވަނީ ފަށާފައެވެ. އިސްލާމިކް މިނިސްޓަރ އަޙްމަދު ޒާހިރު ވިދާޅުވީ، މިހާތަނަށް ޒަކާތް ދެއްކި މީހުންގެ ޢަދަދު ކުރީ އަހަރުތަކަށްވުރެ މަދުކަމަށާއި، ފަހު ވަގުތަށް މަޑުނުކުރައްވާ ފިތުރު ޒަކާތް އަވަހަށް ދެއްކުމަށް ސަމާލުވުން މުހިންމުކަމަށެވެ. މިނިސްޓަރ ވަނީ ފައިސާއާއި ގޮވާމުންވެސް ޒަކާތް ދެއްކުމުގެ އިންތިޒާމް ހަމަޖެހިފައިވާކަން ފާހަގަކުރައްވާފައެވެ.
Mihaa thanah, Fitr zakai dheki meehunge adhadhu, kuree aharu thakaa alhaa balaairu madhu. fahu vaguthah madu nukurahvaa fitr zakai avahah, dhehkumah samaaluve lehvun v muhimmu. Faisaa aa govaamun ves fitr zakai dhekumuge inthizam vaanee hama jehifa.
— Ahmed Zahir Ali (@AhmedZahirAli) May 5, 2021
އަދި މިމަހުގެ 11 ވަނަ ދުވަހާ ހަމަޔަށް ގޮވާމުން ޒަކާތް ދައްކަން ބޭނުވާ ފަރާތްތަކަށް އެ ފުރުޞަތު ހުޅުވާލާއިރު މާލޭ ސަރަޙައްދުގައި ޒަކާތް ބަލައިގަންނާނެ އެންމެ ފަހުގެ ތާރީޚަކީ މޭ މަހުގެ 14 ވަނަ ދުވަހުއެވެ. އަތޮޅުތަކުގައި އެރަށެއްގެ ކައުސިލުން ކަނޑައަޅާ މުއްދަތަކަށް ޒަކާތް ދެއްކޭނެއެވެ. ދިރާގާ އުރީދޫ އަދި މޯލްޑިވްސް އިސްލާމިކް ބޭންކާ، ބޭންކް އޮފް މޯލްޑިވްސް މެދުވެރުކޮށް ޒަކާތް ދެއްކޭނެ އިންތިޒާމް ވަނީ ހަމަޖައްސާފައެވެ. އުރީދޫއާއި ދިރާގުން އެސްއެމްއެސް މެދުވެރިކޮށްވެސް ޒަކާތް ދެއްކޭނެއެވެ. މީގެއިތުރަށް ފަހިޕޭ އެޕްލިކޭޝަންއާއި ޕޯޓަލް މެދުވެރިކޮށްވެސް ޒަކާތް ދެއްކޭނެއެވެ.
މިއަހަރު ފިތުރު ޒަކާތުގެ ގޮތުގައި ނެރުމަށް ކަނޑައަޅާފައިވަނީ އެރަށެއްގައި ކެއުމަށް އާއްމުކޮށް ކައިއުޅުނު ބާވަތެއްގެ 2.4 ކިލޯގެ އަގެވެ.
ކޮމެންޓު ފޮނުވާ