އިނގިރޭސީ ލީގުގައި އެންމެފަހުން ވެސްޓަހަމް ފަހަތުން އަރައި އެއްވަރު ކުރުމުން ވީގޮތެއް ނޭގުނުކަމަށް ޓޮޓްނަމްގެ ކޯޗު ހޯސޭ މޮރީނިޔޯ ބުނެފފިއެވެ.
މޮރީނިއޯ ބުނީ ހަތަރު ވަނަ ގޯލެއް ޖަހަން ޓީމުން ކުރި މަސައްކަތް ކާމިޔާބު ނުވުމަކީ ކުޅުންތެރިންގެ ވިސްނުމަށް އަސަރުކުރި މައިގަނޑު ސަބަބެއް ކަމަށެވެ.
ތިން ގޯލުގެ ފަރަގެއްގައި އޮތް އިރުވެސް ވެސްޓް ހަމްއިން ވިސްނީ ނަތީޖާ ބަދަލުކުރަން، އެއީ އުނދގޫ ކަމެއް.
– މޮރީނިޔޯ
މޮރީނިޔޯ ބުނީ ނަތީޖާ އެޓީމުން ހަމަހަމަ ކުރީ ނަސީބުވެސް އެހީވެގެންކަމަށެވެ. ބޭލްއަށް ލިބުނު ހުސް ފުރުސަތު ބޭކާރުވެގެން ދިޔުމަކީ އުނދަގޫތަކެއް ކުރިމަތި ވި ކަމެއް ކަމަށްވެސް މޮރީނިއޯ ފާހަގަކުރިއެވެ.
މި ވީގޮތެއް ނޭގުނު އެމީހުން މޮޅަށް ކުޅުނީ ކަމެއް، އަހަރަމެންނަށް ފަސޭހަކޮއްލުވީނެއް ކަމެއް.
– މޮރީނިޔޯ
ޓޮޓެންހަމް އަތުން ޕޮއިންޓް ގެއްލުނީ ބަދުނަސީބު ވުމުން ކަމަށް ބެލެވޭނެ ޖާގަ އޮތީ މުޅި މެޗު ކޮންޓްރޯލްކޮށްފައި އެކަށީގެންވާ ވަރަށް ގޯލު ނުޖެހުމުން ކަމަށް މޮރީނިއޯ ފާހަގަކުރި އެވެ. ލީގުގައި މިހާތަނަށް މެޗުން ބަލިނުވެ އޮތީ އެއް ވަނައިގައި އޮތް އެވަޓަން އާއި ދެ ވަނައިގައި އޮތް އެސްޓަން ވިލާ އެވެ. އެވަޓަން އަށް ފަސް މެޗުން 13 ޕޮއިންޓް ލިބިފައިވާއިރު، އެސްޓަން ވިލާ އަށް ހަތަރު މެޗުން ވަނީ 12 ޕޮއިންޓް ލިބިފަ އެވެ.
