ކަކުލުގެ އަނިޔާއަކާ ގުޅިގެން އޮޕަރޭޝަނަކަށް ތައްޔާރުވެފައިވާ ލިވަޕޫލްގެ ޑިފެންޑަރު ވާޖިލް ވެންޑައިކް ވިސްނުންހުރީ އަނިޔާއިން ރަނގަޅުވެ އަވަހަށް ދަނޑަށް ނުކުތުމަށް ކަމަށް އޭނާ ބުނެފިއެވެ.
އަނިޔާގެ ފަހުން ފުރަތަމަ ފަހަރަށް ވާހަކަ ދެއްކި ވެންޑައިކް ބުނީ އެނބުރި އަންނާނީ މިހާރަށް ވުރެ ވަރުގަދަކޮށް ކަމަށެވެ.
ވެންޑައިކް ބުނެފައި ވަނީ ސަޕޯޓަރުންގެ ހާއްސަ މެސެޖުތަކަށް ވަރަށް ބޮޑަށް ޝުކުރުވެރިވާ ކަމަށާއި، އޭނާއަށް ދެވުނު ގޮތަކަށް ލިވަޕޫލްގެ ކުޅުންތެރިންނަށް ހިތްވަރު ދޭން ތައްޔާރަށް ހުރި ކަމަށެވެ.
" ހުރިހާ ފޯކަސްއެއް ހުރީ ވީ އެންމެ އަވަހަކަށް ދަނޑު މައްޗަށް ނުކުތުމަށް. އަހަންނަށް ވެސް ލިބުނު ވަރަށްބޮޑު ނުތަވަސްކަމެއް މިއީ، މިހާރު މިދަނީ ޑޮކްޓަރުންގެ ޓީމާއެކު ފަރުވާ ފަށައިގެން ކުރިޔަށް."
– ވެންޑައިކް
ވެންޑައިކް ބުނެފައި ވަނީ ސަޕޯޓަރުންގެ ހާއްސަ މެސެޖުތަކަށް ވަރަށް ބޮޑަށް ޝުކުރުވެރިވާ ކަމަށާއި، ލިވަޕޫލްގެ ކުޅުންތެރިންނަށް ދެވުނު ގޮތަކަށް ހިތްވަރު ދޭން ތައްޔާރަށް ހުރި ކަމަށެވެ.
މުހިންމު މެޗުތަކެއް ކުރިޔަށް އޮއްވާ ލިވަލޫޕްގެ ތިއާގޯ އަލްކާންޓްރާ އާއި ކީޕަރު އެލިސަން ބެކާއަށް ވެސް ވަނީ އަނިޔާވެފައެވެ. އެލިސަން އަންނަ ނޮވެންބަރު މަހު އަނިޔާއިން އެނބުރި އަންނާނެ ކަމަށް ބެލެވޭ އިރު ތިއާގޯ އަނިޔާގައި ހޭދަވާނެ ވަކި މުއްދަތެއް ނޭގެއެވެ.
