އެސްޓީއޯ މެދުވެރިކޮށް ހޮންގްކޮންގް އެންޑް ޝަންހާއީ ބޭންކިން ކޯޕަރޭޝަން ލިމިޓެޑް (އެޗްއެސްބީސީ) އިން 25 މިލިއަން ޑޮލަރު (385.5 މިލިއަން ރުފިޔާ) ގެ ލޯނެއް މިސަރުކާރުން ނެގުމާއި ގުޅިގެން އެކަމުގެ އަޑީގައިވާ ސިއްރަކީ ކޮބައިތޯ ކުރީގެ ޚަރިޖީ ވަޒީރު އަދި އދ.ގެ އިންސާނީ ހައްގުތަކާިއ ބެހޭ ރެޕަޓުއަރ ޑރ.އަޙްމަދު ޝަހީދު މިސަރުކާރަށް ސުވާލު ކުރައްވައިފިއެވެ.
އެސްއެސްބީސީން ނެގި ލޯނަކީ ކޯވިޑް-19އިން އަރައިގަތުމަށް އެހީވުމުގެ ގޮތުން ދިން ލޯނެއް ކަމަށް އެސްޓީއޯ އިން ބުނެފައިވެއެވެ. ލޯން ނެގީ މިދިޔަ ފެބުރުއަރީ މަހުއެވެ. އެކަމާއި ގުޅިގެން އެމްޑީޕީގެ ކުރީގެ ސަރުކާރުގެ ފޮރިން މިނިސްޓަރ ޑރ.އަޙްމަދު ޝަހީދު ވަނީ އެ ލޯން ނެންގެވީ ބައިނަލްއަޤްވާމީ މާލީ އިދާރާތަކުން ލޯން ދޭވަރަށްވުރެ އިސްރާފް ބޮޑުވެގެންތޯ ސުވާލު ކުރައްވާފައެވެ. އަދި ލޯން ނެގީ ކޮން އެއްޗެއް ރަހުނުކޮށްގެންތޯވެސް ޑރ.ޝަހީދު ސުވާލު ކުރެއްވިއެވެ.
މީގެ އަޑީގަވާ ސިއްރަކީ ކޮބައިތޯ؟ ބައިނަލްއަޤްވާމީ މާލީ އިދާރާތަކުން ލޯން ދޭވަރަށްވުރެ އިސްރާފު ބޮޑީތޯ؟ ކޮމާޝަލް ލޯނެއްވެސް ފިނޭންސް މިނިސްޓްރިއަށް ނުލިބުނީތޯ؟ ރަހުނު ކުރީ ކޮން އެއްޗެއްތޯ؟
– ޑރ.އަޙްމަދު ޝަހީދު
Meege adeega vaa sirraky kobaathoa? Bainalaqwaamee maalee idhaarathakun loan dheyvarah vure israafu bodythoa? Commercial loaneh ves Finance Ministry ah nulibuneethoa? Raheenu kuree kon ehchehthoa? https://t.co/ygco3UQOL1
— Ahmed Shaheed (@ahmedshaheed) April 4, 2021
ސަރުކާރުން 25 މިލިއަން ޑޮލަރުގެ ލޯނެއް ނެގުމުން ޑރ.ޝަހިދު ފަޑުވިދާލުވެފައިވާއިރު، މިސަރުކާރުން ދަރަނި އިންތިހާއަށް ނަގަމުން އަންނަކަމަށް ބުނެ ސަރުކާރަށް ބޯޑެތި ފާޑުކިއުންތަކެއް ވަނީ އަމާޒުވެފައެވެ. އަދި ކާޑުގެ ބާވަތްތައް ޜާއްޖެއަށް ގަތުމަށް ސަރުކާރުން ވަނީ އެސްޓީއޯއަށް ސޮވެރިން ގެރެންޓީއެއްވެސް ދީފައެވެ.
Grateful to HSBC for the support. @stoplc secured $62 million from int financial institutions to ease cashflow difficulties of Finance Ministry during the economic strain brought on by Covid19. We will continue to work towards fostering strong ties with int financial institutions https://t.co/7bMDXBeIvW
— Amr ? (@HusenAmr) April 4, 2021
ކޯވިޑް-19ގެ ސަބަބުން ރާއްޖާގެ އިގްތިޞާދަށް ކުރިމަތިވި ދަތިތަކަށް އެހީވުމުގެ ގޮތުން އެސްޓީއޯ މެދުވެރިކޮށް މިހާތަނަށް ބައިނަލްއަގުވާމީ އެކި އިންސްޓިޓިއުޓްތަކުން 62 މިލިއަން ޑޮލަރު (ގާތްގަނޑަކަށް 956 މިލިއަން ރުފިޔާ) ގެ ލޯނު ވަނީ ދީފައިވާކަމަށް އެސްޓީއޯއިން ބުނެފައިވެއެވެ.
ކޮމެންޓު ފޮނުވާ