ކެނެޑާގައިއުމުރުން 55 އަހަރުން ދަށުގެ މީހުންނަށް އެސްޓްރާޒެނެކާ ވެކްސިން ދިނުން މަޑު ޖައްސާލާފައިވާ ކަމަށް، އެގަުމުގެ އިސް ޕަބްލިކް ހެލްތު އޮފިޝަލަކު ވިދާޅު ވެއްޖެއެވެ.
ވެކްސިންދިނުން މަޑުޖައްސާލާފައި ވަނީ، ކެނެޑާގެ ނޭޝަނަލް އެޑްވަޒަރީ ކޮމިޓީ އޮން އިމިއުނައިޒޭޝަން އިން، މިވެކްސިން އުމުރުން 55 އަހަރުން ދަށުގެ މީހުންނަށް ދިނުން މަޑު ޖައްސަލުމަށް އެންގުމާއި ގުޅިގެންނެވ. މި ކޮމިޓީން މިގޮތަށް ނިންމާފައިވަނީ، މަދުން ނޫނީ ނުއުފެދޭ ވައްތަރުގެ ބްލޮޑް ކްލޮޓެއް (ލޭ ގަޑުވުމުގެ މައްސަލަ) އުފެދިދާނެ ކަމާމެދު އަދިވެސް އުފެދިފައިވާ ކަންބޮޑުވުންތަކާ ގުޅިގެންނެވެ.
"އަހަރުމެން މި ނިންމަނީ، އެސްޓްރާޒެނެކާ ވެކްސިން، ކެނެޑާގެ އުމުރުން 55 އަހަރުން ދަށުގެ މީހުންނަށް ދިނުން މިވަގުތަށް ހުއްޓާލުމަށް،" ކެނެޑާގެ ޑެޕިއުޓީ ޗީފް ޕަބްލިކް ހެލްތު އޮފިސަރ ހޮވާރޑް އެންޖޫ ހޯމަ ދުވަހު ރިޕޯޓަރުންނަށް މައުލުމާތު ދެމުން ވިދާޅުވެފައި ވެއެވެ.
"ސިއްޙީ ކަންތައްތައް ރެގިއުލޭޓް ކުރާ ފަރާތްތަ ކަމުގައިވާ، ހެލްތ ކެނެޑާއިން، މިހާރު ތަފާސް ހިސާބުތައް ދިރާސާކޮށް ނިމެންދެން، އަހަރެމެން މިނިންމުން މި ނިންމަނީ، ރައްކާތެރި ކަމަށްޓަކާ އެޅި މުހިންމު ފިޔަވަޅެއް."
ކެނެޑާއަކީ، އެސްތްރާޒެނެކާ ވެކްސިން ބޭނުން ކުރުމުގެ ސަބަބުން، ލޭގަޑުވާކަމަސް ބައެއް ފަރާތްތަކުން ބުނަން ފެށިފަހުން، މިވެކްސިންގެ ބޭނުން ކުރުން އެންމެ ފަހުން މަޑުޖައްސާލި ގައުމެވެ.
އަދި މިވެކްސިން ބޭނުން ކުރުމުގައި އެއްވެސް ރިސްކެއް ނެތްކަމުގައި، ބްރިޓިޝް-ސްވިޑިޝް މަލްޓިނޭޝަނަލްއާއި، ޔޫރަޕިއަން މެޑިސިން އޭޖެންސީ (EMA)އަދި، ދުނިޔޭގެ ސިއްހަތު ޖަމިއްޔާއިންވެސް، މިވެކްސިން ބޭނުންކުރުމުގެ އެއްވެސް ރިސްކެއް ނެތްކަމުގައި ބުނެފައިވި ނަމަވެސް، ޔޫރަޕްގެ ގިނަ ގައުމުތަކުން ވަނީ، އެސްޓްރާޒެނެކާ ވެކްސިން ދިނުން ވަގުތީގޮތުން ހުއްޓާލާފައެވެ.
