މަގުމަތީގައި ކުނި ބަހައްޓާ މީހުން ޖޫރިމަނާކުރުމުގެ ބާރު އަދިވެސް އޮތީ އެންވަޔަރަމަންޓް މިނިސްޓްރީއަށްކަމަށް ވިދާޅުވެ މާލެ ސިޓިގެ މޭޔަރު ސިފާ މުޙައްމަދު ކަނބޮޑުވުން ފާޅުކުރައްވައިފިއެވެ.
މާލޭގެ މަގުތައް މަތީގައި ކުނި ބަހައްޓާ މައްސަލަ ބޮޑުވެފައިވާއިރު، އެކަމާއި ގުޅޭގޮތުން މޭޔަރު ސިފާ ވިދާޅުވީ، މަގުމަތީގައި ކުނި ބަހައްޓާ މީހުން ޖޫރިމަނާކުރުމުގެ ބާރު އަދިވެސް އޮތީ އެންވަޔަރަމަންޓް މިނިސްޓްރީގެ މެންޑޭޓުގެ ދަށުން އީޕީއޭގައިކަމަށެވެ. އެޗްޑީސީއާއި މާލެ ސިޓީ ކައުންސިލުން ފުލުހުންނާއި ގުޅިގެން އެކަން ކުރެވޭނެގޮތެއް ހޯދުމަށް ވަނީ އެދިފައިކަމަށާއި، ހުޅުމާލެއާއި ވިލިމާލެ އަދި މާލެގެ ވެށި ސާފުކޮށް ބެހެއްޓުން މުހިންމުކަމަށް ސިފާ ވިދާޅުވިއެވެ.
Gavaidhaa hilaafah kuni alhaa faraithakuge kuni migothah nagan veema rayathunge faisaa ge bodu baeh beykaaruvey . @MaleCitymv
— Shifa Mohammed? (@SifaMohammed) March 27, 2021
ސިފާ ވިދާޅުވީ ޤަވާދއިދާއި ޚިލާފަށް މަގުމައްޗަށް ކުނިއަޅާ މީހުންގެ ކުނި ނެގުމަކީ ރައްޔިތުންގެ ފައިސާގެ ބޮޑު ބައެއް ބޭކާރުވުންކަމަށެވެ.
މާލޭގެ މަގުތަކުގައި ޤަވާއިދާއި ޚިލާފަށް ކުނި ބަހައްޓާ މައްސަލާގައި މާލެ ސިޓީ ކައުންސިލަށް ބާރެއް ނެތުމުގެ ކަންބޮޑުވުން މޭޔަރ ފާޅުކުރައްވާފައިވާއިރު، މާލޭގެ މަގުތަކުގެ ކަންކަން މަތީގައި ހަލާކުވެފައި ހުންނަ ގޭތެރޭގެ އެކި ސާމާނުތަކާއި، ކުނިވާ ޒާތުގެ ކުންޏާއި، ގަލާއި، ގާކުނޑި ބަހައްޓާ މައްސަލަ ވަނީ ބޮޑުވެފައެވެ. އެފަދަ ކުނިތައް އުކާލުމަށް ވެކްމޯގައި ރަޖިސްޓްރީނުކޮށް، މަގުތައް މަތީގައި ބަހައްޓަމުން ދިޔަނަމަވެސް މާލެ ސިޓީ ސާފުތަނެއްގެ ގޮތުގައި ބޭއްވުމަށް ވެމްކޯއިން އަންނަނީ އެ ކުނިތައް ނަގައި މާލޭގެ ވެށި ސާފުކޮށް ބޭއްވުމަށް ބުރަ މަސައްކަތެއް ކުރަމުންނެވެ.
ކޮމެންޓު ފޮނުވާ