މާލެ ސިޓިީގެ މައިޒާންތަކާއި ޕާކުތައް މިއަދުން ފެށިގެން ހުޅުވާފައި ހުންނާނެކަމަށް މާލެ ސިޓީ ކައުންސިލުން ބުނެފިއެވެ.
ކޯވިޑް-19އާއި ގުޅިގެން ކޭސްތައް އިތުރުވެ މާލެ ސަރަހައްދުގައި ކާފިއު އިޢުލާންކޮށް، ދުއްވާ އެއްޗެހި ދުއްވުން މަނާކުރިއެވެ. އަދި މާލެ ސަރަހައްދުގެ ޕާކްތަކާއި މައިޒާންތައްވެސް ބަންދުކުރިއެވެ.
ނަމަވެސް އިއްޔެ ވަނީ މާލޭގެ އުޅަނދު ދުއްވުން މަނާގަޑިތައް އުވާލަ މައިޒާންތަކާއި ޕާކްތައް ހުޅުވާލުމަށް އެޗްޕީއޭއިން ހުއްދަ ދީފައެވެ.
މިކަމާއި ގުޅިގެން މާލެ ސިޓީ ކައުންސިލުން ބުނީ މިއަދުން ފެށިގެން މާލެ ސަރަހައްދުގެ ޕާކްތަކާއި މައިޒާންތައް ހުޅުވާފައި ހުންނާނެކަމަށާއި، ނަމަވެސް ލޮނުޒިޔާރަތް ޕާކު އަދި ސަލްޓަން ޕާކު ހުޅުވޭނީ ހޮނިހިރު ދުވަހުގެ ފަތިހު 5 ޖަހާ އިރުކަމަށެވެ.
?
?މާލެ ސިޓިީގެ މައިޒާންތަކާއި ޕާކު ތަށް މާދަމާ އިން ފެށިގެން ހުޅުވިފައި ހުންނާނެ.
?ލޮނުޒިޔާރަތް ޕާކު އަދި ސަލްޓަން ޕާކު ހުޅުވޭނީ ހޮނިހިރު ދުވަހުގެ ފަތިހު 5 ޖަހާ އިރު.— Male' City Council (@MaleCitymv) March 25, 2021
ޕާކުތައް ބޭނުންކުރުމުގައި އެޗްޕީއޭގެ ގަވައިދާ އެއްގޮތަށް ރައްކާތެރިކަމުގެ ފިޔަވަޅުތައްވެސް ވަނީ އިތުރުކޮށްފައެވެ. އެގޮތުން ޕާކަށް ވަންނަ މީހުންގެ ހުންބެލުމާ، އަތް ސެނެޓައިޒްކުރުމާ އަތް ދޮވެވޭނެ އިންތިޒާމްވެސް ވަނީ ހަމަަޖައްސާފައެވެ. ޕާކަށް ވަދެވެނީވެސް މާސްކް އަޅައިގެންނެވެ.
ޕާކުތެރޭގައި އުޅޭއިރުވެސް އެއްވެ ނޫޅުމާ ގައިދުރުކަން ބެހެއްޓުމަށް ވަނީ އިރުޝާދު ދީފައެވެ. ސިޓީ ކައުންސިލުން ވިދާޅުވީ އެއްފަހަރާ ޕާކަށް ވަދެވޭނެ މީހުންގެ އަދަދުވެސް ކަނޑައަޅާފައިވާކަމަށެވެ. މި އަދަދަށް މީހުން ހަމަވުމުން އިތުރު މީހުންނަށް ވަދެވޭނީ އެއްބަޔަކު ނިކުތުމުންކަމަށެވެ.
ކޮމެންޓު ފޮނުވާ