ސިވިލް ސާރވިސް މުވައްޒަފުން ނިކަމެތިވާގޮތަށް ދެއްކެވި ވާހަކަފުޅުތަކާއި ގުޅިގެން ކުރިމަތިވެވަޑައިގެންނެވި ފާޑުކިއުންތަކާއި ޕްރެޝަރާއި ގުޅިގެން ހޯރަފުށީ ދާއިރާގެ މެންބަރު އަޙްމަދު ސަލީމް (ސައްލެ) މަޢާފަށް އެދިވަޑައިގެންފިއެވެ.
ސައްލެ ވިދާޅުވީ، ސިވިލް ސާރވިސް މުވައްޒަފުންނަށް އިޙްތިރާމް ކުރައްވާކަމަށެވެ. ނަމަވެސް ސައްލެ ވަނީ ދެއްކެވި ވާހަކަތަކުގެ ދިފާޢުގައިވެސް ވާހަކަފުޅު ދައްކަވާފައެވެ. އޭނާ މަޢާފަސް އެދިވަޑައިގެން ކުރެއްވި ޓްވީތްގައި ވަނީ އޭނާދެއްކެވި ވާހަކަތަކުގެ މާނަ އޮޅޭގޮތަށް ވާހަކ ފަތުރަނީކަމަށާއި، ޖުމްލަކޮށް ދެއްކެވި ވާހަކަފުޅަކީ ޕްރޮފެޝަނަލް ސިވިލް ސާރވިސްގައި ހުންނަންޖެހޭނެކަމަށް ޢިލްމުވެރިން އެއްބަސްވާ ސިފަތައްކަމަށެވެ.
ކުރީގެ ސިވިލް ސާރވަންޓެއްގެ ގޮތުގައި ޕްރޮފެޝަނަލް ސިވިލް ސާރވިސްއެއް ރާއްޖޭގައި އުފެއްދުމަކީ ބޮޑު އުއްމީދެއް. މަޖިލީހުގަ ވަހަކަ ދެއްކީވެސް އެގޮތުގައި. ވާހަކައިގެ ތަންތަންކޮޅު ވަކިން ޓްވިސްޓް ކުރިޔަސް ޖުމްލަކޮށް ދެއްކި ވާހަކައަކީ ޕްރޮފެޝަނަލް ސިވިލް ސާރވިސްގައި ހުންނަންޖެހޭކަމަށް އިލްމުވެރިން އެއްބަސްވާ ޕްރިންސިޕަލްތަކެއް.
Kureege civil servant eh ge gothun professional CS eh raajjeyga ufedhumakee bodu ummeed eh. Majlihuga vaahaka dhekkee ves egothun. Vaahakaige thanthankolhu vakin twist kuriyas jumla koh dhekki vaahaka akee professional CS ga hunnaan jehey kamah ilmuverin ebbasvaa principle thakeh
— Ahmed Saleem (@SalleHoarafushi) March 25, 2021
ސައްލެ މިހެން ވިދާޅުވިނަމަވެސް އޭނާ މަޖިލީހުގައި ވަނީ ވަރަށް ފާޅުކޮށް ސިވިލް ސާރވިސް މުވައްޒަފުން ނިކަމެތިވާގޮތަށް ވާހަކަފުޅު ދައްކަވާފައެވެ. އޭނާ ވިދާޅުވީ، ސިވިލްސާވިސް މުވައްޒިފުންނަކީ ސިޔާސީ ކަންކަމުގައި ހަރަކާތްތެރިވެ، ސިޔާސީ ގޮތުން ކުރެވޭ މަސައްކަތުގައި ވާހަކަ ދައްކައި ހެދޭނެ ބައެއް ނޫންކަމަށެވެ.
ސިވިލްސާވަންޓުންގެ އަނގަ ބަންދު ކުރަން އުޅުމުން ސައްލެ ހޫނުފެނަށް!
ސިވިލް ސާވިސްގެ މުވައްޒަފަކީ އޭނާގެ ވަޒީފާގެ އެއްބަސްވުމުގައި ސޮއިކުރާ ހިސާބުން ފެށިގެން ކަށްވަޅަށް ދިއުމާ ހަމައަށް އަގައިން ނުބުނެވޭނެ މީހެއް ކަމަށާއި، އޭނާ ވިދާޅުވީ ސިވިލް ސާވިސް މުވައްޒަފުންނަށް ބޭނުންހާ ވާހައެއް ނުދެއްކޭނެކަމަށާއި، ނުވެސް ލިޔެވޭނެކަމަށްވެސް ސައްލެ މަޖިލީހުގައި ވިދާޅުވިއެވެ. އަދި ސިވިލް ސާވިސް މުވައްޒަފުން ވާންޖެހެނީ “ފޭސް ލެސް” ނުވަތަ މޫނެއް ނެތް ބަޔަކަށް ކަމުގައިވެސް ސައްލެ ވަނީ ސިފަކުރައްވާފައެވެ.
ކޮމެންޓު ފޮނުވާ