އިންޑިއާއަށް ނިސްބަތްވާ އުމުރުން 17 އަހަރުގެ ކުއްޖަކު އަލުން އާއިލާ ބައްދަލު ކުރެވޭ ގޮތް ވެފައި ވަނީ ދިއްލީ ޕޮލިސްގެ އެންޓި ހިއުމަން ޓްރެފިކިންގ ޔުނިޓަށް ފަހުން ކިޔާދިން މައުލޫމާތުތަކުން ކަން މި ވަނީ އެނގިގެން ގޮސްފައެވެ.
އެ ކުއްޖާއަށް ކައުންސިލިންގ ދެމުންދާތާ ދުވަސްކޮލެއް ފަހުން،އެ ކުއްޖާ ވަނީ އޭނާގެ ބައްޕަކީ ލުދިއާނާ ރެއިލްވޭ ސްޓޭޝަންގައި މުދާތައް އެއްތަނުން އަނެއް ތަނަށް ގެންދިއުމުގެ މަސައްކަތް ކުރަމުންދާ މީހެއް ކަމަށެވެ. އެ މައުލުމާތު ފުލުހުންނަށް ދިނުމާއެކު، ފުލުހުން ވަނީ އޭނާގެ އާއިލާ ހޯދުމުގެ މަސައްކަތް ފަށާފައެވެ.
ފުލުހުން ބުނެފައި ވަނީ، ޖުވެނަލް އެއިޑް ސެންޓަރުގައި ދިރިއުޅެމުންދާ "ގެއްލުނު ކުދިން"ނަށް ކައުންސިލިންގ ދިނުމަށް އޮކްޓޯބަރު އެއް ވަނަ ދުވަހު ޓީމެއް އައިސް ކައުންސިލިންގ ފެނި ކަމަށެވެ. އަދި އެ މަސައްކަތުގެ ތެރެއިން 17 އަހަރުގެ އަންހެން ކުއްޖަކާއި ދިމާވި ކަމަށާއި، އެ ކުއްޖާއަކީ މީގެ އަށް އަހަރު ކުރިން ނިއުދިއްލި ރެއިލްވޭ ސްޓޭޝަނަކުން ދިމާވި ކުއްޖެއް ކަމަށް ފުލުހުން ބުންޏެވެ.
އަދި ކުރިން އޭނާ މައުލުމާތު ދިންއިރު، އޭނާއަކީ ޕަންޖާބްގެ ލުދިއަނާއަށް ނިސްބަތްވާ ކުއްޖެއް ކަމަށް ބުނި ނަމަވެސް، އިތުރު މައުލޫމާތު އޭނާއަށް ދެވޭ ގޮތް ވަނީ ނުވެފައެވެ.އެ މައުލޫމާތުގެ މައްޗަށް، ބިނާކޮށް އޭނާގެ މައިންބަފައިންނަކީ ކޮންބައެއްކަން ހޯދަން އެއިރު ވަނީ ދަތިވެފައެވެ. ނަމަވެސް ފަހުން ކައުންސިލިންގ ދޭން ފެށުމުން އެ ކުއްޖާ ދިން މައުލޫމާތުތަކަށް ބިނާކޮށް، އެ ސްޓޭޝަންގައި އެ ކުއްޖާގެ މައުލޫމާތުތައް އާއްމުކޮށް ގޮވާފައިވެސް ވެއެވެ.
މިގޮތަށް ގޮވިފަހުން ހަބަރެއް ނުވުމުން، ކައިރީގައި ހުންނަ އެހެން ރެއިލްވޭ ސްޓޭޝަންތައްވެސް ބަލާފައި ވެއެވެ. އަދި އެތަނުގައި މަސައްކަތް ކުރާ އެތައް ސަތޭކަ މުވައްޒަފުންނަށް އެ ކުއްޖާގެ ފޮޓޯ އާއި މައުލޫމާތުވެސް ދިނެވެ. ފަހުން ލުދިއަނާ ރެއިލްވޭ ސްޓޭޝަންގެ ޗީފް ޓިކެޓް އިންސެޕްކްޓަރ ވަނީ އެ ކުއްޖާގެ ބައްޕަ އެ ސްޓޭޝަން ދޫކޮށް ދިޔަތާ ދުވަސްކޮޅެއް ވެއްޖެ ކަމަށާއި، މިހާރު އޭނާ މަސައްކަތް ކުރަމުން ދަނީ ދަބާ ގައި ކަމަށް ބުނެފައެވެ.
އަދި އެ ކުއްޖާގެ ބައްޕައާ ދިމާވާ ގޮތް ވަނީ ވެފައެވެ. އެ ކުއްޖާގެ ބައްޕައާ ދިމާވެފައި ވަނީ ލުދިއަނާގައި ހުންނަ ކާތަނަކުންނެވެ.
އޭނާއަށް ވަނީ ގެއްލުނު އެ ދަރިފުޅުގެ ފަހުގެ ފޮޓޯތަކުން އެއީ އޭނާގެ ދަރިފުޅު ކަން ދެނެގަނެވިފައެވެ. އަދި އޭނާގެ ދަރިފުޅު ގެއިން ފިލައިގެން ދިޔައީ، އޭނާގެ ހަރުކަށި އުޅުމުގެ ސަބަބުން ކަމަށްވެސް އޭނާ ބުންޏެވެ. މިހާރު އެ ކުއްޖާ އޭނާގެ ބައްޕައާ ބައްދަލު ކުރުވުމުގެ ކަންކަން ދަނީ ކުރިއަށެވެ.
