ސޯނަމް ކަޕޫރު އިސްތަށިގަނޑުގައި ދަނބު ކުލަ ޖެއްސީ ހަމައެކަނި އޭނާގެ ފިރިމީހާ އާނަންދް އަހޫޖާއަށް ކަމުދާތީ ކަމަށް ސޯނަމް ބުނެފިއެވެ.
މިދިޔަ ދުވަސްތަކުގައި ސޯނަމް އުޅުނީ އޭނާގެ ކުރިއަތް އޮތް ފިލްމު "ބްލައިންޑް"ގެ ޝޫޓިންގައި ސޮކްޓްލޭންޑުގަ އެވެ. މަސައްކަތުގައި ބިޒީކޮށް އުޅުނަސް ސޯނަމް އަބަދުވެސް އޭނާގެ މަސައްކަތުގެ ފޮޓޯ، މޭކަޕް އަދި އިސްތަށިގަނޑުގެ ފޮޓޯތައް ބެލުންތެރިންނާއި ހިއްސާކުރިއެވެ. އަދި އޭނާގެ ފިރިމީހާއާ އެކުގައި ނަގާފައިވާ ފޮޓޯތައްވެސް ހިއްސާކުރެއެވެ.
ސޯނަމް ކަޕޫރުގެ އެންމެ ފަހުގެ ފޮޓޯގައި އޭނާވަނީ އޭނާގެ އިސްތަށިގަނޑުގައި ދަބު ކުލަ ޖައްސާފައެވެ. އަދި ސޯނަމް ބުނެފައިވަނީ އެނާގެ އިސްތަށިގަނޑުގައި ދަބު ކުލަ ޖައްސާފައިވަނީ ހަަމައެކަނި އޭނާގެ ފިރިމީހާއަށް ކަމުދާތީ އެވެ. މި ފޮޓޯއަށް ވަރަށް ގިނަ ބެލުންތެރިންގެ ސަމާލުކަންވަނީ ލިބިފައެވެ.
ސޯނަމްގެ އާ ފިލްމު "ބްލައިންޑް" އަށް ބަލައިލާއިރު މި ފިލްމު ޑައިރެކްޓު ކޮށްފައިވަނީ ޝޯމެއި މަކީޖާއެވެ. މި ފިލްމުން ސޯނަމް ފެނިގެންދާނީ ލޯއަނދިރި ފުލުހެއްގެ ރޯލިންނެވެ. އަދި މިއީ 2011 ވަނަ އަހަރުގެ ކޮރެއަން ފިލްމް "ބްލައިންޑް" ގެ މައްޗަށް އުފައްދާފައިވާ ފިލްމެކެވެ.
