ޓީވި ޗެނަލަކަށް ދެއްވި އިންޓަވިއުއެއްގައި، ރަޝިއާގެ ރައީސް ޕުޓިންއަކީ ގާތިލެއްކަމުގައި ވިދާޅުވެ، އެމިރުކާގެ ރައީސް ދައްކަވާފައިވާ ވާހަކަފުޅަކީ ބަލައިގަނެވޭނެ ވާހަކަފުޅެއް ނޫން ކަމަށާއި އަދި އެއީ އަމުދުން ރައީސް ދައްކަވައިގެން ވާނެ ވާހަކަފުޅެއްވެސް ނޫންކަމަށް، ތުރުކީގެ ރައީސް ތައްޔިބު އެރްދޮގާން ވިދާޅުވެއްޖެއެވެ.

ފާއިތުވެދިޔަ ހަފްތާގެ ބުދަ ދުވަހު ދުރަށް ދައްކާފައިވާ ޓީވީ އިންޓަވިވްގައި، އޭނާ ގަބޫލު ކުުރައްވާ ގޮތުގައި، ރަޝިއާގެ ރައީސް ޕުޓިންއަކީ ގާތިލެއްތޯ ޕްރެސެންޓަރ ކުރެއްވި ސުވާލުގެ ޖަވާބުގައި ބައިޑްން ވަނީ، "އަހަރެން ގަބޫލުކުރަން،" މިގޮތަށް ވިދާޅުވެ ޖަވާބު ދެއްވާފައެވެ.

ޕުޓިންއަކީ ގާތިލެއްކަމުގައި ގަބޫލުކުރައްވާކަމަށް ބައިޑްން ވިދާޅުވުމާއި ގުޅިގެން ރަޝިއާއާއި އެމެރިކާއާއި ދެމެދު އޮތް ޑިޕްލޮމެޓިކް ގުޅުމަށް ވަނީ ވަރަށް ބިޑެތި ނޭދެވޭ އަސަރުތަކެއް ކޮށްފައވެ. އަދި ބައިޑްންގެ މި ކޮމެންޓާއި ގުޅިގެން ރަޝިއާގެ ރައީސް ޕުޓިން ވިދާޅުވެފައިވަނީ، އެކަކު އަނެކަކު ދެނެގަތުމަށް އަދި ވަގުތު ނަގާނެކަމުގައެވެ.

"ބައިޑްންގެ ކޮމެންޓަކީ ގައުމެއްގެ ވެރިއަކު ދައްކަވައިގެން ވާނޭ ޒާތުގެ ވާހަކަފުޅެއް ނޫން،" ހުކުރު ނަމާދަށްފަހު ރިޕޯޓަރުންނާ ވާހަކަ ދައްކަވަމުން އިސްތަންބޫލުގައި އެރްދޮގާން ވިދާޅުވެފައި ވެއެވެ. އަދި ބައިޑްންގެ މި ކޮމެންޓަތަކަށް ޕުޓިން ދެއްވާފައިވަނީ ވަރަށް ތޫނުފިލި ޖަވާބެއްކަމުގައިވެސް އެރޮދޮގާން ވަނީ ވިދާޅުވެފައެވެ.

ތުރުކީއާއި ރަޝިއާއަކީވެސް ނޭޓޯގެ އިއްތިހާދުގައި ހިމެނޭ 2 ގައުމަށްވާއިރު، ފާއިތުވެދިޔަ ޖެނުއަރީމަހު ރައީސްކަމުގެ ހުވާ ކުރެއްވުމަށްފަހު، އެމރިކާގެ ރައީސް ޖޯ ބައިޑްން އަދި މިހާތަނަށް ތުރުކީގެ ރައީސަށް ފޯނުން ގުޅުއްވާ ވާހަކަ ދައްކަވާފައި ނުވާކަަން ފާހަގަ ކޮށްލެވެއެވެ.

ރައީސްކަމުގެ ހުވާ ކުރެއްވުމަށްފަހު އެމެރިކާގެ ރައީސް ގެންދަވަނީ، ފޯނު މެދުވެރިކޮށް ގުޅުއްވާ ދުނިޔޭގެ ގައުމުތަކުގެ ވެރިންނާ ވާހަކަ ދައްކަވަމުންނެވެ.

ބައިންޑްގެ މި ކޮމްންޓާއި ގުޅިގެން ފާއިތުވެދިޔަ ހަފްތާގެ ބުރާސްފަތި ދުވަހު ސުވާލު ކުރެވުމުން ޕުޓިންވަނީ، މި ސުވާލަށް ސަމާސާ ޖަވާބެއް ދެއްވާފައެވެ.

"ވަކި އެކަނި ފަރުދަކަށް އަހަރެން ދަސްކުރަން ވަގުތުކޮޅެއް ނަގާފާނެ، އަހަރެން އެދެނީ އުމުރުން 78 އަހަރުގެ ބައިޑްންއަށް ފުރިހަމަ ސިއްޙަތަކަށް،" ޕުޓިން ވިދާޅުވެފައި ވެއެވެ.

"އަރެން މިހެން މިބުނަނީ ދިމާކުރުމުގެ ގޮތުންނެއްވެސް ނޫން، އަދި ސަމާސާއަކަށްވެސް ނޫން،" ޕުޓިން ވިދާޅުވެފައި ވެއެވެ.

އެމެރިކާގެ ރައީސްކަމަށް ވަޑައިގެންނެވުމުގެ ކުރިން، 2019ވަނަ އަހަރު ދެއްވި އިންޓަވިވްއެއްގައި ބައިޑްންވަނީ ތުރުކީގެ ރައީސް އެރްދޮގާންއަކީ ޚުމުޚްތާރު ވެރިއެއް ކަމުގައިވެސް ވިދާޅުވެފައެވެ.

ރަޝިއާއި ތުރުކީއަކީ، ސީރިއާގައި ކުރެވެމުންދާ ހަގުރާމައިގައި، ދުޝްމަން ދެފަރާތަށް ތާއީދުކޮށް އެހީތެރިކަން ފޯރުކޮށްދެމުންދާ ދެގައުމު ކަމުގައިވި ނަމަވެސް، އެރްދޮގާން ވިދާޅުވެފައިވަނީ ރަޝިއާއަކީ، ތުރުކީގެ މުހިންމު ބައިވެރިއެއް ކަމުގައެވެ.

ޕުޓިންއަކީ ގާތިލެއްކަމުގައި ބައިޑް ވިދާޅުވެފައިވި ނަމަވެސް، ޕުޓިންވަނީ، ބައިޑްންއާއެކީ ފޯނު މެދިވެރިކޮށް ވާހަކަ ދައްކަވަން ހުށަހަޅުއްވާފައެވެ. މި ފޯންކޯލުގެ ބެނުމަކީ، ކޯވިޑް ކާރިސާއައި ބެހޭގޮތުންނާއި ސަރަހައްދީ ހަމަނުޖެހުންތަކާ ގުޅޭގޮތުން މަޝްވަރާ ކުރުން ކަމުގައި ވިދާޅުވެ، މި ފޯންކޯލް އާންމު ހުޅުވާލައިގެން ކުރުމަށްވެސް ޕުޓިން ވަނީ ހުށަހަޅުއްވާފައެވެ.