ސްޕެނިޝް ލަލީގާގައި މިރޭ އަލަށް ޕްރޮމޯޓްވި ކާޑިޒްއާ ދެކޮޅަށް ނުކުންނައިރު ޓީމަށް ބަދަލުތަކެއް ގެންނާނެކަމަށް ރެއާލް މެޑްރިޑުގެ ކޯޗު ޒައިނުއްދީން ޒިދާން ބުނެފިއެވެ.
މެޗުގެ ކުރިން ވާހަކަދައްކަމުން ޒިދާން ބުނީ ކުރިޔަށް 21 ދުވަސްތެރޭގައި ހަތް މެޗުކުޅެން ޖެހުމުން ޓީމަށް އެހެން ގޮތްތަކެއް ހޯދަން ޖެހިފައިވާކަމަށެވެ. އޭނާ ބުނީ އެސަބަބާ ހުރީ އަންދަލުސްގެ ކުލަބް ކާޑިޒްއާ ދެކޮޅަށް ކުޅޭއިރު ބަދަލުތަކެއް ޓީމުން ފެންނާނެކަމަށެވެ.
މި ދިގު ސީޒަނުގައި އެތައްފަހަރު މިކަހަލަ ކިތަންމެ ބަދަލެއް ގެންނަ ޖެހޭނެކަމަށް ޒިދާން ބުނެފައިވެއެވެ. ޒިދާން ބުނީ ޓީމުގައި ވަރަށް މުޅުކުޅުންތެރިން އެބަތިބި ކަމަށާއި ޓީމުގެ އަސްލުމަގާމަށް ގެންގޮސްނޫނީ އެއިން ކުޅުންތެރިޔަކު އަރާމް ކުރަން ވެސް ބޭނުންނުވާކަމަށެވެ. ޓީމުގެ ރޫހު އޮތީ އެހާވެސް ވަރުގަދަކޮށް ކަމަށް ރެއާލްމެޑްރިޑުގެ ކޯޗު ބުނިއެވެ.
12 ނުނީ 14 ކުޅުންތެެރިން ނުލާ ފަރިތަކުރުން މި ގެންދިޔައީ. ތައްޔާރުވުންތައް ދިޔައީ ވަރަށް ރަނގަޅަށް. އިދިކޮޅު ޓީމަށް ފުރިހަމަޔަށް އިހުތިރާމް ކުރަން.
– މިދިޔަ ސީޒަންގައި ލަލީގާގެ ތަށި މެޑްރިޑަށް ކާމިޔާބުކޮއްދިން ކޯޗް ބުނެފައިވެއެވެ.
ކާޑިޒްއަކީ ވަރަށް ޑިސިޕްލިން ޓީމެއް ކަމަށާއި އަލަށް ޕްރޮމޯޓްވި ޓީމަކަށް ވިޔަސް އެޓީމުން މެޗުގައި އުނދަގޫ ކުރިމަތިކުރުވާނެކަމަށް ރެއާލްމެޑްރިޑުގެ ކޯޗު ބުނެފައިވެއެވެ. އެޓީމުން ނުކުންނާނީ މެޑްރިޑާ ވާދަކޮށް މޮޅެއް ހޯދަން ކަމަށާއި އެހެންކަމުން އެޓީމުގެ މައްޗަށް ކުރި ހޯދޭނީ މެޑްރިޑުން ވަރުގަދައަށް ކުޅެގެންކަމަށް ހުސްވި ސީޒަނުގައި ލީގު ކާމިޔާބުކޮއްދިން ކޯޗު ބުނިއެވެ.
މިއީ 2006 ވަނަ އަހަރު ލީގުގައި ވާދަކުރިފަހުން ކާޑިޒް ލީގުގައި ވާދަކުރާ ފުރަތަމަ ފަހަރުއެވެ.
