ހދ.ކުޅުދުއްފުށީ ރީޖަނަލް ހޮސްޕިޓަލުގައި މެގްނެޓިކް ރެސޮނެންސް އިމޭޖިން (އެމްއާރުއައި)ގެ ޚިދުމަތް ދޭން ފަށައިފިއެވެ.
ކުޅުދުއްފުށީ ހޮސްޕިޓަލަކީ އުތުރުގެ ގިނަ ރަށްތަކެއްގެ ޞިއްޚީ ހިދުމަތާއި ގުޅިފައިވާ ހޮސްޕިޓަލެވެ. ކުޅުދުއްފުށީ ރީޖަނަލް ހޮސްޕިޓަލްގައި އެމްއާރުއައިގެ ޚިދުމަތް ލިބެންނެތުމުގެ ދަތި އެހޮސްޕިޓަލުން ހިދުމަތް ހޯދާ ރައްޔިތުންދިޔައީ މިހާތަނަށް ތަޙަންމަލުކުރަމުންނެވެ. އެގޮތުން މަހެއްގެ މައްޗަށް ގާތްގަނޑަކަށް 50 އާއި 60 އާއި ދެމެދުގެ ޢަދަދެއްގެ ބަލިމީހުން އެމްއާރުއައި ހަދަން މާލެއަށް ފޮނުވަންޖެހޭކަމަށް އެހޮސްޕިޓަލުން ވިދާޅުވެއެވެ.
ނޮދަން އޮފީސް ކޮމްޕްލެކްސްގެ ހޯލުގައި ބޭއްވި ޚާއްސަ ރަސްމިއްޔާތުގައި މި ޚިދުމަތް ފަށްޓަވައި ދެއްވީ ހެލްތް މިނިސްޓްރީގެ ސްޓޭޓް މިނިސްޓަރު އަޙްމަދު ޢާދިލެވެ. މިޚިދުމަތް އިފްތިތާހުކޮށްދެއްވައި ޝަރަފްވެރި މެހެމާން ދެއްކެވި ވާހަކަގައި ހިދުމަތެއް ފުރިހަމަވެގެންދާނީ ހަމައެކަނި ރީތި ޢިމާރާތާއި ވަސީލަތުން ނޫންކަމާއި ޚިދުމަތް ދޭންތިބޭ މީހުންގެ އޯގާތެރިކަމުގެ މުހިންކަމުގެ މައްޗަށް އަލިއަޅުއްވާލެއްވިއެވެ.
After the ceremony held to inaugurate the MRI Service at KRH, Chief Guest, Minister of State for Health, Mr. Ahmed Adil along with IGMH CEO, Mr. Ibrahim Saleem, MP KFC North Consituent @YasirLathyf and attendees pays a visit to MRI Room, Radiology Dept at KRH @ibusolih @MoHmv pic.twitter.com/EFyTzV9A9w
— Kulhudhuffushi Regional Hospital (@KRHmv) March 15, 2021
ޓާޝަރީ ފެންވަރަށް ތަރައްޤީކުރާ ކުޅުދުއްފުށީ ރީޖަނަލް ހޮސްޕިޓަލަށް އެމްއާރުއައި މެޝިނެއް ގެނެސްފައިވަނީ 2020ވަނަ އަހަރުގެ މާރޗުމަހުގެ ތެރޭގައެވެ. އެމްއާރުއައިގެ ޚިދުމަތް އެހޮސްޕިޓަލްގައި ފެށުމަށް ސަރުކާރުން 23 މިލިއަނެއްހައި ރުފިޔާ ޚަރަދުކޮށްފައިވެއެވެ.
ކޭއާރުއެޗްއަކީ އަތޮޅުތެރޭގެ ހޮސްޕިޓަލުތަކުގެ ތެރެއިން އެންމެ ގިނަ ރައްޔިތުން ހިިދުމަތް ހޯދަމުންދާ ހޮސްޕިޓަލެވެ. މި ހޮސްޕިޓަލް ޓާޝިއަރީ ފެންވަރަށް ބަދަލުކުރުމަށް ނިންމާ އެމަސައްކަތް އަންނަނީ ސަރުކާރުން ކުރައްވަމުންނެވެ. ކުޅުދުއްފުށީ ހޮސްޕިޓަލް ތަރައްގީ ވެގެންދިއުމުން އުތުރުގެ ސިއްޙީ ނިޒާމަށް ބޮޑު އިންގިލާބީ ބަދަލެއް އަންނާނެއެވެ.
ކޮމެންޓު ފޮނުވާ