އިނގިރޭސި ލީގުގައި އެންމެފަހުގެ ޗެމްޕިއަން ލިވަޕޫލާ ދެކޮޅަށް ނުކުންނައިރު، އެޓީމަކީ އެންމެ މޮޅުޓީމު ކަމަށާއި މިއީ އެވަޓަން އަށް ކުރިމަތިވާ ވަރުގަދަ އިމްތިހާނެއް ކަމަށް އެވަޓަންގެ ކޯޗު ކާލޯ އެންޗެލޮޓީ ބުނެފިއެވެ.
މެޗުގެ ކުރިން ވާހަދައްކަމުން އެންޗެލޮޓީ ބުނީ ލިވަޕޫލަކީ އިނގިރޭސިވިލާތުގެ އެންމެމޮޅު ޓީމުކަމަށާއި، އެއީ މިވަގުތު ދުނިޔޭގަ އޮތް އެންމެ ވަރުގަދަ ޓީމުކަމަށެވެ. އޭނާ ބުނީ މިވަގުތަށް ބަލާއިރު ލީގުގައި ލިވަޕޫލާ ވާދަކުރަން ޖެހުމަކީ އެވަޓަންއަށް އޮތް ރަނގަޅެއް ކަމަށް ދެކޭ ކަމަށާއި މިއީ އެޓީމަށް ކުރިމަތިވާނެ ވަރުގަދަ އިމްތިހާނަކަށް ވާނެކަމަށެވެ.
އެންޗެލޮޓީ ބުނީ ޓީމުން މިދަޔަ މެޗު ތަކުގައި ގޯލު ގިނައިން ޖެހިނަމަވެސް ފަހަތުން ގޯސްތައް ހަދަމުން ދާކަމަށެވެ. އެހެންކަމުން ކުރިޔަށް ހުރި މެޗުތަކުގައި ކޮންމެވެސް ބަދަލުތަކެއް ގެނެސް ޓީމުގެ ފަހަތަށް ވަރަށް ބޮޑަށް ސަމާލުކަން ދޭނެކަމަށް އެންޗެލޮޓީ ބުނިއެވެ.
" ލިވަޕޫލަކީ ވަރަށް ފެންވަރު ރަނގަޅު ބޯޅެއް ކުޅޭ މޮޅު ޓީމެއް ، އަހަރެމެން ވަރަށް ސަމާލުވާން ޖެހޭނެ ، އަހަންނަށް ޔަގީންކަން އެބައޮތް ރަނގަޅު ވާދައެއް ކުރެވޭނެކަން "
– އެންޗެލޮޓީ
އެވަންޓަގައި މިވަގުތު އެންމެ ފޯމުގައި ހުރި ފޯވާޑް ކެލްވަޓް ލުވެން ވަނީ މިފަހަރު ގައުމީ ޓީމުގައި ވެސް ރަނގަޅު ކުޅެމެއް ދަކާފައެވެ.
އެންޗެލޮޓީ ބުނީ އެ ކުޅުންތެރިޔާ ރަނގަޅު ހާލަތުގައި ހުރެ ރަނގަޅު ވިސްނުމުގައި އަލުން ޓީމާ ގުޅުމަކީ ލިބުނު ހިތްހަމެޖެހުމެއް ކަމަށެވެ.
މި މެޗާ ކުރިމަތި ލާއިރު އެވެޓަން އޮތީ ކުޅުނު ހަތަރު މެޗު ކާމިޔާބުކޮށް، 12 ޕޮއިންޓާއެކު ތާވަލުގެ އެއް ވަނައިގައެވެ.
